Posts

Showing posts from March 27, 2012

Mamit District Crime Dinhmun

Tarik Ni 27/Vau Thla/Kum 2012:
MAMIT: Mizoram Police Record-a a lan danin nikum 2011 chhung khan a hma kum (2010) aiin Mamit District-ah IPC hnuaiah Thubuai (Crime) a tlakhniam laiin Non-IPC huangah erawh a pung thung.
Mizoram Police-in an website (www.police.mizoram.gov.in)-a Crime Report an tarlana a landan chuan kum 2010 khan Mamit District chhungah thubuai chi hrang hrang, IPC huang chhungah 108 a awm a, nikum 2011 khan nasa taka tlahniamin, thubuai 84 chauh ziahluh a ni a, 2010 leh 2011 thubuai inthlauhna hi 24 zet a ni.

Lirthei 1712 Registered

Tarik Ni 27/Vau Thla/Kum 2012:
MAMIT: District Transport Office (DTO), Mamit chuan kum 2007-a Mamita an inbun atangin Motor 1712 an registered tawh a, Driving Licence 2995 an pechhuak tawh bawk.
Mamit DTO Office hi kum 2007, September Ni 27 khan Mamitah inbun tan/hawngin, tun dinhmunah DTO hovin thawktu (Staff) 10 an awm mek a. Nimin (26th March) thleng khan Lirthei chi hrang hrang, Two Wheeler atanga Tripper, JCB (Excavator) thlengin 1712 registered tawhin, heng zinga 964 te hi Two Wheeler (Ke 2 nei chi) an ni.