Posts

Showing posts from March 10, 2012

MHIP te'n TUI FILTER DAN ENGHELH!

Tarik Ni 10/Vau Thla/Kum 2012:
MHIP Sub-Hqrs. Mamit chuan, “Mamit khawpui chhunga PHE Department Tui sem hi filter tur anga filter loh a ni a, a filter dan tur ang taka filter a nih theihna’n hma lak ni rawhse” an ti.
He thu hi Dampui Community Hall-a Conference an neihah ningani chhun khan rorel palaite chuan pass in, “Mamit khawpui chhunga PHE departmentTui an sem hi filter tur anga filter loh a ni a, hei hi a filter tur ang taka filter a nih theihna’n hma lak ni rawhse" tiin, hei bakah hian Sub-Hqrs. kumpuanah “Faina leh Thianghlimna” tih chu hman chhunzawm zel nise an ti a, Agenda 8 pass in, kum 2012-2014 chhung atan hruaitu thar an thlang bawk a ni.
MHIP Sub-Hqr -s. Mamit Conference Vawi 12-naah hian inkhawmpui thupuiah “Mizo Tlawmngaihna Chhawm Nun” tih hmangin, nimin khan Mamit bialtu MLA Pu John Rotluangliana, Dy. Speaker-in a hmanpui a, ram inrelbawlnaah Nute an pawimawh zia leh Nute hlut zia sawiin, Con ference tanpuina’n `5000/- a hlan a ni.
Sub-Hqrs. MHIP Conference-ah hi…

CHHUNGKUAA NUTE AN PAWIMAWH BER-JOHN-A

Tarik Ni 10/Vau Thla/Kum 2012: Mamit: Mamit bialtu MLA Pu John Rotluangliana, Dy. Speaker chuan, “Zonunmawi inzirtir tur chuan chhungkaw tina Nute hi in pawimawh ber a ni” a ti. Dampui Community Hall-a MHIP Sub-Hqrs. Mamit Conference a hmanpuinaah John-a chuan he thu hi sawiin, “Zonunmawi inzirtir tur chuan chhungkaw tina Nute hi in pawimawh ber a ni” ti a, Mizo hmeichhiate chu an dinhmun chawisan ringawt ngaihtuah lovin, ram leh hnam dinchhuahna tura an pawimawhna hre thar zel tura a duh thu sawiin, “nu leh pa dinhmun luah hnuah pawh Nute zirtirna hi chu kan theihnghil ngai lo a ni” a ti a, thangthar lo la awm leh zel turte tan pawha zirtirtu tha an nihna hria a, hma la sauh sauh turin MHIP members kalkhawm te chu a chah a ni. John-a chuan tunlai khawvel ah hmeichhiate’n dinhmun sang tak tak an chelh tawh thu sawiin, “hemi kawngah hian mipate pawh kan in enlet a, kan in bihchian a tul tak zet a ni” a ti a, “kan society leh hnam kan chawikanna kawngah tha thlah lova theihtawp kan chh…

DAMDIAI TAN NUAI 80

Tarik Ni 10/Vau Thla/Kum 2012:
Mamit: Ningania Damdiai khuain VC thar an neih lawmna hun hmanpuitu Pu John Rotluangliana, Dy.Sp eaker chuan Damdiai khaw Eng pekna turin cheng nuai 80 ruahman a ni, a ti. He thu hi sawiin, Mamit bialtu MLA John-a chuan Damdiai chu khua tak tak an nih tawh avangin khawtlang mamawhte pawh a theih ang angin Sawrkar-in a ngaihtuah dawn thu a sawi a, Damdiai khaw Eng (Electric) pekna’n Western Development Fund atangin cheng Nuai 80 ruahman a nih thu a sawi a. John-a chuan khawtlang hruaitute chu khaw chhung faina leh thianghlimna ngai pawimawh turin a chah bawk a ni.