Posts

Showing posts from February 15, 2012

MZP Hqrs. Mamitin Inzahlohnaah Ngai

Tarik Ni 15/Ramtuk Thla/Kum 2012:
Thawhtanni zana Mamit Mizo venga tualthahna thleng chu an dem takzet tih MZP Hqrs. Mamit chuan puangin, ‘District khawtuala hnamdang leh hnamdang intualthahna thleng hi kan dem takzet a, a ram neitute zahlohnaah kan ngai’ an ti.
Hemi chung changa Mizo Zirlai Pawl (MZP) Hqrs. Mamitin nimina thuchhuah an siam ah ‘District khawtuala hnamdang leh hnamdang (Pawih leh Tuikuk) intualthahna thleng chu MZP Hqrs. Mamit chuan a dem takzet a, ram neitu Mizote zah lohnaah a ngai’ tiin, ‘tun hnuah thleng nawn tawh lo se kan duh a ni’ an ti a. “Hetih rual hian, Mamit District chhunga hnamdang awm zawng zawngte, ruihtheihthil lakah leh mipat hmeichhiatna laka fihlim a, khawtlang ralmuan na tiderthawng thei zawnga che lo turin MZP Hqrs. Mamit chuan a ngen nghal bawk” an ti.
“MZP thuchhuah pawisa lo, tun hnuah hnamdang an awm leh a nih chuan an chungah engpawh thleng se, MZP mawh a ni lovang” tiin MZP Hqrs. Mamit chuan an thuchhuahah hian an tarlang a ni.

Tualthattu La Hmu Lo

Tarik Ni 15/Ramtuk Thla/Kum 2012:
MAMIT Thawh tan zan dar 10:00 vela Lalrinthanga (K30), Pi Lalnunfeli pasal, Mamit Mizovenga mi thattu Zodinsanga (K31), Pi Lalnunmawii pa sal chu tun thleng in a chin hriat a la ni lova, hetihlai hian, nimin khan Venghlun mipuite chuan Zodinsanga hi an zawng ve bawk.
Tualthattu hian Lalrinthanga hi a nák veilamah chaw hmeh channa ang chi Chemtea vitin, a tlanbo nghal a, Ma -mit Police Station-ah Case NO- 3/12 dt 14.2.2012 U/S 302 IPC ziah luh a ni.
Mamit Police te’n ngawrh taka zawng nghalin, he thu buatsaih lai (nimin tlai thimhlim) thleng kha chuan a chin hriat ala ni lova, hmun hla a la pan loh takin tih thuah nimin khan Venghlun Branch YMA te chu tualthattu zawng hian dai hnaiah vakchhuak in, an zawng ve bawk a, a chhungte hi khawthlang lam, Mual\huamah an la awm niin hriat a ni.
Zodinsanga leh Lalrinthangate hi Mizovenga Pu Tlangchangliana In luah ve ve niin, a hma pawhin an lo intibuai fo tawh niin hriat a ni a, Zu an zawrh ve ve avangin Zu chun…