Posts

Showing posts from February 2, 2012

SEAT 28 CHUH TURIN MI 59!

Mamit Tarik Ni 2/Ramtuk Thla/Kum 2012: *Feb. Ni 23-a Mamit khawpui chhung Village Council (VC) 6-a VC thlanna neih turah nimin khan Candidate te’n Nomination an file kim ta a. Seat 28 inchuh turah Candidate 59 awmin, Independent 3 an awm!. VC inthlannaa chuh tumte tana hming pekluh theih hun hnuhnung ber, nimin chawhnu dar 3:00 thleng khan khawpui chhung VC 6-a Returning Officer (R.O) 6 te hnena hming pe lut hi mi 59 niin, an zinga 3 te hi Independent Candidate an ni a, Luangpawl VC-a chuh tum vek an ni. Candidate zingah hmeichhe pakhat (1) a awm a, Luangpawl VC seat chuh tum zinga mi niin, Pi Kap\hiangi, Pu Thangliana Sailo nupui a ni. Luangpawl hi VC thar tur an nih angin Seat awm zat ngaihtuahin chuh tum pawh an thahnem a, VC 6-a Party lian pahnih (Congress leh MNF)-in Candidate an siam kim vek a ni. Khawpui chh -ung VC 5-ah VC Member nilaite, tun tumah hian an ding leh deuh vek a, Hmarveng leh Bazar vengah erawh pakhat ve ve an chawl a. VC 5 (New Mamit, Chhimveng, Bazar veng, Veng…

Independent Tamna Ber Suarhliap-7!

Mamit Tarik Ni 2/Ramtuk Thla/Kum 2012: SUARHLIAP Tun thla Ni 23-a Village Council Inthlanna neih turah Mamit leh a chhehvel khawper zingah Suarhliap khua/VC chu Independent Candidate tamna ber niin, mi 7 zet an awm!. Suarhliap khua hi VC pakhat awmna niin, VC Member 3 awm tur an ni a, Party lian pahnih; Congress leh MNF te Candidate 3 ve ve (6) te bakah hian Party nghenchhan nei lo Independent-a din tum mi 7 te’n nimin khan R.O hnenah hming an pe lut a, an ni bakah hian ZNP leh MPC atangin Pakhat ve ve an awm bawk. Heti hian, N.Sabual VC inthlanna neih tur, Seat 3 inchuh turah hian Candidate15 an awm ta a, Offcial Candidate 8 leh Independent Candidate 7 an ni a. Vawiin chhun thleng hi inhnukdawk duhte tan hun hawn niin, inhnukdawk an awm hmel lem loh niin thu dawn a ni.