Vawiin (3/8/12) LENTUPUI

Dt.3/8/12:MZP Hqrs. Mamit chuan Mamit atanga hmundanga Zirtirtu sawn, Mamita dahlet tur emaw, an aiawh pe tura Mizoram sawrkar karna’n nimin atang khan zirlai leh zirtirtute School kal tur an dang a, he thu buatsaih lai thleng hian sawrkar lam atangin thuthar an la dawn loh avangin vawiin lam hian chhunzawm leh an tum.
MZP Hqrs. Ma mit te hian Mamit leh District chhung Zirna In hrang hranga zirtirtu 39 (?), thlaktu awm lova hmundanga sawnchhuah chungchangah hian Chief Minister hnenah lehkha lo thehlut tawhin, Aizawlah pawh Press Conference an lo ko tawh a, tunhnai khan Education Department Secretary chuan kar khat chhunga Govt. Mamit High School-ah zirtirtu pakhat (1) dah a nih tur thu rawn hriattirin, mahse, ma mawhna san tawh laia zirtirtu pakhat chauh chu beitham an tih avangin a hmaa an lo rel tawh angin nimin atang khan Zirlai leh zirtirtute Sikul kal tur dan hi an kalpui tan a ni.
Nimin hian MZP Member te hi Govt. Higher Secondary School leh Mamit College luhna Gate-ah pung khawmin, zirlaite leh zirtirtute an lo dang a, Zirna In dangte erawh an chawlh hman lai a nih avangin dan an ngai lo a ni.
MZP te hian nimin khan thuchhuah siam nghalin, Primary atanga College zirtirtu transfer dahlet tura sawrkar an ngenna, sawrkar-in a hriatsak avangin lawmthu an sawi a, hetihrual hian, sawrkar-in Govt. Mamit High School-a English Teacher chiah, kar khat hnuah dahsak a tiam chuan Higher Secondary School leh Govt. Mamit College te mamawh a phuhruk zo lo hle, tiin, ‘MZP te chuan sawrkar-a kan demand te hi hmuh vek kan duh a, mahse, thawklehkhatah chu chu sawrkar tan thil harsa tak a ni tih kan hria, chuvangin, kan mamawh zual: Govt. Mamit High School-ah English Teacher leh General Teacher, Govt. Higher Secondary School, Mamitah Education leh History Lecturers, Govt. Mamit College-ah Mizo Lecturer, heng kan mamawh zualpuite hi sawrkar-in min phuhruk sak chuan School khar chhunzawm zel hi MZP Hqrs. Mamit chuan ngai kan ti lo a ni” tiin, thuchhuahah hian an tarlang a ni.

# MAMIT: Sawrkar Office atana Private (Mi mal) In luah man chungchang enfiah tu Committee chu an Chairman Addl. DC Mamit hovin vawiin chawhma dar 10:00 hian an thukhawm dawn.

# MAMIT: Er. V.J. Cheriyan Excecutive Engineer, Mamit Power Division chuan hriattirna chhuahin, August Ni 1 August atanga Ni 4 August 2012 thlengin ‘W’ Phaileng leh Mamit inkar, 33KV line Jungle Clearence thawh a nih dawn avangin zing dar 9:30 atanga tlai dar 5:00 thengin Power Supply a awm thei dawn lova, hemi avang hian Power & Electricity Department chuan mipuite hriatthiamna an ngen a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM