Mamit Fire Station Hawng

23.08.12:
Mamit High School venga ‘Mamit Fire Station’ chu Vawiin khan Home Minister Pu R.Lalzirliana’n hawngin, Chhimveng YMA Hall-ah a hawnna inkhawm hman a ni a, N.Sabual bula District Jail tur pawh Home Minister hian a tlawh bawk.
Vawiin chawhma dar 11:00 khan Mamit Fire Station chu Home Minister hian Ribbon chep chatin a hawng a, hemi hnu hian hawnna inkhawm, Chhimveng YMA Hall-ah neih zui nghal a ni.
Pu C.Laldina, MPS, Director, Fire & Emergency Services kaihhruai inkhawmah thu sawiin, Home Minister chuan, Mamit mipuite’n an chhawr theih tura Fire Station hawn a lo ni ta chu lawmawm a tih thu a sawi a, thawktute pawh mipuite tana theihtawp chhuah tura chahin, Pu Zira chuan, Sawrkar department hrang hrangte tanrual a tul thu leh mahni tih tur te te chauh ti lova, mipuite tana theihtawp chhuahho a tul thu a sawi a ni.
Pu Zira chuan, Officer te chu an protocol hrechiang tura chahin, sawrkar hnathawkte chu Dan anga thil kalpui mai turin a chah a, “tunhnaia Zawlnuam leh W.Phailenga Sawrkar sum rukbo chungchangah pawh a thawktute’n Dan an zawm loh vang mai a ni” tiin, District Jail chungchangah Home Minister chuan, “a hmunhma hi fuh lo mahse sawrkar hmasa kut lo thlak tawhnate a nih avangin a zahawm a, harsa chung chung pawhin puitlin hram kan tum” a ti a, “engtikah emaw chuan hawn theiha peih kan inbeisei a ni” a ti bawk.
Home Minister chuan, Mizorama sualna chi hrang hrang pung chho zel chu pawi a tih thu sawiin, hlawh chungchanga an lungawi loh chungchangah Sawrkar hnathawkte chu an thawh sak mipuite dinhmun hriatpui turin a ngen a, Helna leh tharum thawhna chungchangah Sawrkar chu a tawlh dawn loh thu a sawi bawk.
Fire Station hawnna inkhawm hi Pu Lalrinmawia Ralte, MLA, Parliamentary Secretary, Home pawhin hmanpuiin, Pu PC Lalchunglura, Addl. SP, Fire & Emergency Service, Mizoramin Brief Report a pe a. Hun hman zawh hian Pu Lalremtluanga Varte, SO leh Pu K.Rochhunga, SSO, Mamit leh Staff te’n Hall kawtah kangmei thelh dan entirna (Demonstration) hun an hmang a ni.

Comments

Popular posts from this blog

Mamitah Lo neih tum an tlem!!

Lirthei 1712 Registered

Zawlnuam BDO Sum Bo-ah Mi 4 Man Leh