Vawiin Lentupui...

Dt.18/6/12: Dist. MJA te’n Ngen: district: Mamit District atanga Lirthei hmanga Kolasib District tlawhpawhna kawngpui, Bairabi bul Tlawng Lui kai kalkaina atana hman Marboat, engemaw rokhawlhna avanga tunhnaia tihtawp lailawk chungchangah MJA (Mizoram Journalists’ Association), Mamit District te chuan a changtu Transport Minister leh Kolasib DC te hnenah ngenna siamin, mumal zawka Marboat Service kalpui tur leh Marboat Service chhunzawm leh tura hma lak sak turin an ngen. Mamit Dist. MJA te hian an lehkhaah helaia Marboat Service a awm leh tak loh avanga harsatna thleng mek tarlangin, ‘Kolasib, Bairabi Rel Station, Ghatmura leh hmundanga zin tur te, sumdawngte leh thil tul dang pawimawh neite’n harsatna nasa tak an tawk a, Bairabi Lei dawh zawh a nih hma chuan Marboat hi tluang taka Service theih dan tur leh Kolasib leh Mamit District atanga Marboat panna kawng (vaukam ve ve) pawh Boulder Lung phah ni thei se” an ti a, “tin, Marboat Fee khawn dan pawh mumal zawka kalpui a nih theihna’n hma min laksak turin kan ngen che a ni” an ti a ni. Kolasib DC hnena an ngenna lehkha hi Transport Minister bakah Mamit DC leh Kolasib MJA hnenah pe telin, hma lakpui turin an ngen a ni. Building sak mek a ni: Mamit: Mamit Hmarveng VC huamchhung Bethel vengah tunlai hian District Sericulture Office building tur, Assam type-a sak mek a ni a, thla thar July thla khi chuan luah hman tura beisei a ni. Sericulture Department hi tunah hian District Sericulture Officer Pu Vanlalvuana hovin thawktu (Staff) 6 nen Mamit District enkawlin an awm mek a ni. Office hmun tur zawng mek: Mamit: Tunlai hian Mamitah Minor Irrigation Division Office hmun tur zawn mek a ni a, Department Quarter sakna tur an zawn zel bawk avangin hmun remchang an dapkual mek/nasa hle. Minor Irrigation Division Office hawng tur hian Mamit bialtu MLA leh Jt.VC te’n sawrkar an lo nawr nasa tawh hle niin thu dawn a ni a, reiloteah hmunhma an hmuh thuai beisei a nih thu dawn a ni bawk. P/S thar Tur Duang: Mamit: Tunhnaia Mamit District Election Committee thukhawm chuan Constituency pathum (3)-a Polling Station thar dahna turin hetiang hian rawtna a siam: Hachhek Constituency: 1)Zawlnuam III 2) Rengdil II 3) Kawrthah III 4) Tuidam II 5) New Eden 6) Kawlalian 7) Sawtapa 8) Bajirungpa veng 9) Kanaanthar Mamit Constituency: 1) Dilzawl 2) Damdiai 3) Luangpawl 4) Lengpui III 5) Damparengpui II dampa constituency: 1) Zopui 2) W.Phaileng IV 3) Silsuri II

Comments

Popular posts from this blog

B.TEII HOVIN INDIA TEAM