Vawiin LENTUPUI (Power Supply awm loh vangin vawiin (21/5/12) hian Lentupui Print zo hman lova, Chhiartute hriatthiamna kan ngen takmeuh a ni):


Tarik Ni 21/Tomir Thla/Kum 2012:
DWSS Hawng:
** Dampui khaw chawmtu tur ‘Dampui Water Supply Scheme’ chu Ningani khan PHE Minister Pu S. Hiato-in a hawng a, Mizoram chhung khaw 777-a khaw 711-ah Tui thianghlim pek an nih tawh thu a sawi.
DWSS hawnna inkhawm, Dampui Community Hall-a neihah PHE Minister chuan, Dampui khaw mipui chawm tu tur DWSS hawn theih a ni ta chu lawmawm a tih thu sawiin,  Sawr kar leh Bialtu MLA chungah lawmthu a sawi a, DWSS hian Tui chawi leh nghahna’na kan hun tam tak khawh ral thin chu a tibo dawn a, hriselna kawngah pawh hma sawnna a ken tel ngei a rinawm a ni’ a ti.

Hiato chuan, khaw tina hnianghnar taka tui thianghlim pek chu sawrkar thil tum a nih thu sawiin, Mizorama khaw awm zawng zawng 777-ah khaw 711 te chu Tui pek an ni tawh a, khaw 57-ah pek tuma hmalak mek a ni, a ti.
Khualzahawm Pu John Rotluang liana, Bialtu MLA, DY. Speaker chuan Sawrkar chungah lawmthu sawiin, ‘Sawrkar-in khua leh tuite tana thil tha a tih hi Politics a ni a, thil tha tihna kawngah nasa lehzualin mawh phurtute’n hma kan lak a pawimawh a ni’ a ti.  Tun huna duh tawk mai lova, a enkawl zuina kawngah pawh Dampui mipui te’n theihtawp an chhuah a tul thu sawiin, ‘sawrkar-in min tih sak se tih nghak mai lovin, sawrkar hi eng nge ka tih sak theih ang tih rilru put kan tum theuh tur a ni’ a ti bawk.
Inkhawm hi Er. Vanlallianzuala, Chief  Engineer (M&I)-in kaihruaiin, Mamit DC leh E-in-Chief, PHE Deptt. te pawhin thu an sawi a, Er. H. Lalsiamliana EE, Mamit in Report pea a tarlan danin, Dampui Tui lak hi NRDWP sum, `1,21,72,000/- seng a siam a ni a, darkar khatah tin 1066 pump haw theiin, Tui hi Dampui khua atanga 1km-a hla Dampui Lui atanga lak a ni a, khawchhungah Public Point 8 siam niin, Connection lakna tur Point 5 siam a ni bawk. Dampuiah hian In 155 awmin, mihring 730 vel an awm a, nitin Tui tin 1946 vel ma mawh anga chhut an ni.
Bial chhung fangchhuak:
** district: Pu Lalrinmawia Ralte, Parliamentary Secretary, Home, RD etc. chuan ni 6 chhhung thangin a bialchhung khaw hrang hrang a tlawhkual a, khaw 7-ah BNRGSK Building hawngin, khaw hrang hrangah kumin HSLC leh HSSLC pass te hnenah Dictionary a hlan.
Hachhek bialtu Pu Lalrinmawia Ralte hian kar kalta leh a hma kar tawp lam khan a bialchhung khaw hrang hrang tlawhin, thawhlehni khan Zawlnuam Community Hall-a zirlai hlawhtlingte chawimawina buatsaihah zirlai hlawhtlingte chu chhawr tlak ni tur leh ram tana chhenfakawm ni tura inbuatsaih turin a fuih a, BNRGSK building hawnnaah khawtlang inrelbawlna a awm theihna’n Sawrkar-in theih tawp a chhuah thu a sawi bawk.
Pu Rinmawia hian a bialchhung khua zawng zawng tlawhchhuak vekin, khawtinah kumin Pawl 10 leh 12 Exam-a pass te hnenah Dictionary a hlan a, a zinnaah hian a thiannu Pi Lalthanzami pawhin tawiawmin, Official engemaw zatin an zui bawk.
BNRGSK Building hawnnate: Kawrtethawveng `9,66,000/- senna te, Tuidam `8,78,000/- senna, Rengdil `8,78,000/- senna, Hriphaw `6,92,000/- senna, Bungthuam `9,66,000/- senna, Kanhmun `9,66,000/- senna leh Zawlnuam ( Block Centre) `21,00,000/- senna.

tenawi:

** facebook Group pakhat ‘Mamit In pui’ chuan kumin Pawl 10 Exam-a Mizoram puma Pa khatna ‘C.Laldin puii, Pu C.Lalnun kima fanu hnenah lawmpuina thilpek hlan an tum a, Group Member te’n tunlai hian thawh lawm an thawh khawm mek.

** Dy. Speaker Pu John Rotluangliana, Mamit bialtu MLA chuan Seminar on ‘Strengthening Par liamentary Demo cracy’, Ni 25-30. 5.2012 chhunga Apia, Samoa a neih a tel turin nimin khan Aizawl a chhuahsan a, thla leh Ni 5-ah a rawn haw leh ang.

** Vodafone Inter Bra nch YMA Football Tournament, Aizaw -la khelh mekah Mamit Hmarveng Branch YMA chuan Nilaini khian vawi ina Baktawng leh College veng inkhel chak zawk  nen an inkhel leh dawn.

Comments

Popular posts from this blog

Lirthei 1712 Registered

B.TEII HOVIN INDIA TEAM