Vawiin (18/4/2012) LENTUPUI.........

Bru lokirna’n inhawng zau!:Tarik Ni 18/Tau Thla/Kum 2012:
Mamit bialtu MLA Pu John Rotluangliana, Dy. Speaker chuan Tripura-a Bru awm mek, Mizoram khua leh tui dikte, Mizorama an rawn let lehna turah Sawrkar-in kawng zau tak a hawn thu sawiin, Bru hnamte chu inla hrang zawnga khawsa lova, neitu rilru pu turin a chah.
Zirtawpni kalta khan Bru Cultural Organisation (BCO) buatsaihin Damparengpui Khelmualah Bru hnam Kût pakhat “Boishu” hman a ni a, he hun hmanpuitu Pu John Rotluangliana chuan Mizoram khua leh tui dik tak, tuna Tripura Refugee Camp-a la awm mek Bru chhungkuate chu an lo let lehna turin Mizoram Sawrkar a inhawn thu sawiin, Bru te chu a inla hrang zawnga khawsa lo turin a chah a, neitu chan chang a, Mizote nen inngeih taka chenho a duh thu a hrilh a ni.

Dy. Speaker chuan, ‘Mizoram sorkar hian hnam tlem zawkte a duhsak em em a, he ramah hian hnam hrang hrang kan awm a, kan zavai hian a neitu vek kan ni’ a ti a, ‘vawiina kan hman mek Boishu pawh hi inunauna Ni a nih ang ngeiin vawiin atan chauh ni lovin inunauna hi vawn nun reng kan tum tur a ni’ a ti.
Zirtawpnia Boishu vawi 2-na lawmna hi Pu Biakthuama Molshoy, President, BCO-in kaihruaiin, Cultural Programme-a hun hman a ni a, Solo, Recitation, Hnam lam te entirin, Aizawl atangin Dinthar Branch YMA te pawhin Cheraw an entir a, Naisingpara (Tripura) leh Mizoram chhung khaw 16 atangin mi 300 chuangin an chhim a ni.

Zanlai thleng gas chang:
Tarik Ni 18/Tau Thla/Kum 2012:
Mamit: Inrinni kalta khan Mamit High School veng mipuite chuan nilenga Gas an chan hnuin khaw thim hnuah an chang chhuak hram a, zan dar 12:00 velah an la zo thei chauh!.
Kar liamta khan Mizofed chuan Mamit khawpui chhung veng hrang hrangah Eirawngbawlna Gas an semchhuak leh a. Inrinnia an quota tur rawn thleng tur lo chang High School venga chhungkaw 100 velte chu DC Rest House bulah lo intlarin, chawhnu lama rawn thleng mai tura ngaih a nih laiin thim hnuah Gas phur Motor a rawn thleng chauh a, Hmunsama Mizofed Office-ah buk leh phawtin, hemi hnu hian sem zui nghal a ni.
Gas Cylinder buk tling lo engemaw zat a awm (leh) tih hriat niin, mamawhna a san tawh avangin mipui (Consumer) te hian an inchuh zo thova, buk tlinglo te chu a tlinlohna ang zelin a man tlawma leitirin, Gas phurtu Diver-in ama pawisaa hnawhkhah a tum thu a sawi niin thu dawn a ni.

Mamit district champion:
Tarik Ni 18/Tau Thla/Kum 2012:
Mamit: MFA Inter District Under 19 Football Championship, Lawngtlaia khelh zawh takah Mamit District chuan Final-a an khingpui Ai zawl District chu hnehin an champion!.
Mamit District hian Semi Final-ah a thlengtu Law -ngtlai District chu tie breaker-a hnehin inrinni khan final an lut a, group match-ah Mamit District hian Aizawl District hi lo hneh tawhin, final-ah thawhtanni khan an hneh leh a ni.
Thawhtanni Final-ah Mamit District hian goal 2 ti goal in, Aizawl District hian goal 1 an thun ve a, a khelhah pawh Mamit hi an chung nung hle niin thu dawn a ni.
An champion bakah Mamit District hi kumin hian an che tha hle a, Best player-ah La lrengpuia,Mamit chu thlan niin, team pumpui ang in Fair Play team (Khel mawi ber) nihna an hauh bawk a, Final mat ch-a khel tha ber ‘Man of the Match’ pawh Mamit District Player Aldrin Zolianthanga a ni.
Mamit District team te hi rawn haw mekin, vawiin hian Mamit an rawn lut ang.

Tanpuina hlan:
Tarik Ni 18/Tau Thla/Kum 2012:
Mamit: March ni 2-a Mamit Hmar Venga chhung kaw 7te chenna Inkangte tanpuina chu thawhtanni khan Mamit DC Conference hall-ah sem chhuah a ni a. Ma mit Hmar Veng inkang tuarte tanpuina hi a tirah Immediate Relief atan `21000/- leh Mamit Sub-Hqrs. YMA ten `1021 65/- an lo sem hlan tawh a, tuna sem chhuah lehte nen hian `5,49,040/- sem chhuah a ni tawh a, an chenna pawh zawh vek ni tawhin, tunah hian an luah leh vek tawh a ni.

Lawrkhawm:
Tarik Ni 18/Tau Thla/Kum 2012:
## Union Home Minister lokal vanga an thulh hnuah Mizo Zaimi Inzawmkhawm (MZI) Mamit chuan naktip zirtawpni chhun khian Mamit Dinthar venga kangmei tuartute pual Concert huaihawt an tum a. Ruahmanna an duan chhin dan chuan Concert hi khawpui chhung veng hulum lai deuh, hmun 5 velah neih tum a ni a, ticket hran siam lovin, a duh tan tanpuina a thawh theih ang. Zai tuar hian Aizawl lam atang in zaithiam lar tak tak, Mizo Idol hnuhnung bera mite, hranghlui zaithiam thahnem tak beisei niin, tualchhung zaithiamte pawh engemaw zat an zai dawn a ni.

## Thlaleh May 1-2-a Zawlnuama Sub-Hqrs. YMA, Mamit Conference neih tur a Hnam Lam leh Zaipawl Intihsiakna atan Branch hrang hrangte an inpuah chah chho tan mek a. Mamit khawpui chhung Branch YMA te pawhin kar liamta atang khan Zai leh Lam an zir chho tan a ni.

## Fire & Emergency Department chu tunhnai khan Ma mitah rawn inbun tanin, SSO (Sub Station Officer) hovin Chhimveng YMA Hall chhak, High School venga an hmunhma neih saah an awm a, rei vak lovah official-in hawn tum niin thu dawn a ni.

## Hun engemaw chen chawlh an hman hnuin nimin atang khan Pawl 11 leh 12 zirlaite’n Sikul an kai tan leh ta a. Govt. Higher Sec. School, Mamit pawh hawn tan a ni niin, hetih lai hian, tunkar tawp lam hian HSLC Result a chhuah hman beisei a ni.

## Tun thla ni 20-22 (tun zirtawpni ata nga Pathianni) khian Presbyterian Kohhran hrang hra ngah Bial Inkhawm pui neih ani dawn a, Mamit khawpui leh a chhehvela Pre sbyterian kohhran te pawhin an hma ng ang. Mamit bial in Bazar vengah hmangin, Hmunsam in Lungsirah an hmang ang.

Comments

Popular posts from this blog

Lirthei 1712 Registered

B.TEII HOVIN INDIA TEAM