Kang Tuarte Tan MZI Concert!


Tarik Ni 02/Tau Thla/Kum 2012:
MAMIT: March thla tir lama Mamit Dinthar venga kangmei chhuak avanga chenna In chánte pualin MZI Sub-Hqrs. Mamit chuan Concert buatsaih an tum a, naktip Nilaini khi an tinzawn.

Thu dawn danin Mizo Zaimi Inzawmkhawm (MZI), Mamit te hian Dinthar venga kangmei tuartute tana Concert buatsaih an tumah hian Mamit khawpui leh District chhung bakah Aizawl lam atangin zaithiam lar tak tak chahthlak an tum a, ruahman dan chuan, naktip Nilaini khian Mamit khawpui chhung veng hrang hrangah Concert hi neiin, ticket (en man) awm lovin chhun lamah khawlaiah free concert an buatsaih anga, hetah hian, a duh apiang tana tanpuina thawh duh tan hun remchang siamin, veng tinah an zai dawn a ni.
Hemi atan hian MZI te hian Department hrang hrangah vehbur khawnkhawmin, Advertisement an dil a, heta an sum hmuhte leh free concert-a mipuite thawh tlingkhawmte chu Dinthar venga kangmei tuartute hnenah an hlan dawn a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM