Bruho Hnenah Chhawmdawlna Pe


Tarik Ni 02/|au Thla/Kum 2012:
MAMIT: Mahni duhthua Mizorama Bru lo kir, India khua leh tui an ni tih finfiah tawh chhungkuate hnenah zirtawpni liamta atang khan tanpuina tangkafai pekchhuah a ni.
Nikum June ni 11 atanga  Bru hruaikir hna chawlh lailawk a nih hnu khan mahni duhthua Mizorama lo lut chhungkua 239 awmin, Ministry of Home Affairs duh dan angin khua leh tui dik takte chu chhawmdawlna “Cash Assistant” `38500/-, Housing Assistant-  `41500/- leh Transportation Cost atan `5500/-; a vaiin ` 85500/- theuh pek tura ruahman a ni a, Mamit DC Office chuan mahni duhthua lo kir lehte hi Mizoram khua leh tui dik tak an ni em? tih 1995 Electoral Roll behchhana hmangin an enfiah a, khua leh tui dik tak, Electoral Roll-a hming chuang ngei chhungkaw 134 te hnenah chhawmdawlna pawisa hi pekchhuah a ni ta a ni. 
Bru hnam, mahni duhthua Mizorama lo kir leh chhungkaw 239 te hi Mamit District chhung khaw 16- Tuipuibari, Chilui, New Mamit, Lallen, Mamit, Dapchhuah, Damparengpui, Bawngva, Mualthuam, Kananthar, Tuirum, Zomuantlang, Khanthuam, Darlak, Teirei Forest leh Nalzawlah te awmin, puitling 561 leh naupang 172, an vaiin mi 733 an ni.

Comments

Popular posts from this blog

Lirthei 1712 Registered

B.TEII HOVIN INDIA TEAM