Bru Hnam Aiawhte Leh Chitambaram

Tarik Ni 3/Tau Thla/Kum 2012:
MAMIT: Union Home Minister P.Chitambaram chuan naktuk hian zan khat riakin Mizoram a rawn tlawh dawn a. Naktip Ningani khian Damdiai leh Tuipuibari-ah Bru hnam aiawhte nen an inbia ang.

Nimin chawhnu dar 1:00 khan D.C Conference Hall, Mamitah Addl. D.C Pu R.S. Lalzamliana, MCS hovin Ningania Union Home Minister-in Damdiai leh Tuipuibari a rawn tlawh tur lo dawnsawn dan tur ngaihtuahin Department hrang hrang aiawhte an thukhawm a. Home Minister lo dawnsawn dan turah Mamita Sawrkar Department hrang hrangte chu mawhphurhna insiamin, a tlawh hmasak tur Damdiaiah hian ningani zing dar 8:30-ah Department hotute chu thlen kim vek nise an ti a, mahni department mawhphurhna theuh hlen tur leh chak taka bawhzui nghal turin an inhrilh bawk.
Sawrkar laipui Home Minister hian naktuk chhun hian Lengpui Airport-ah rawn tumin, Aizawlah Chief Minister leh Sawrkar Offcial te leh NGO hruaitute nen an inkawm anga, Aizawlah hian riakin, a tuk Ningani hian Damdiai leh Tuipuibari tlawhin, Bru hnam aiawhte nen Tripura atanga Bru chhungkuate, Mizorama hruaichhoh chungchangah an inkawm dawn a ni.
Chitambaram hian Ningnani zing hian Helicopter-in Suarhliap a pan anga, Suarhliap Helipad atang hian Motor-in Damdiai pan lehin, chawhma dar 9:40-ah Damdiaiah hian Bru hnam aiawhte nen an inkawm dawn a, hemi zawh hian Damdiai atangin Suarhliapah let lehin, Suarhliap atang hian Helicopter-in Tuipuibari a pan leh anga, dar 10:30-ah Tuipuibari-ah hian Bru hnam aiawhte nen inbe lehin, BSF Offcials te nen Meeting an nei lehnghal anga, hemi zawh hian chhun dar 11:30-ah Helicopter-in Tuipuibari atangin Lengpui Airport a pan anga, chhun dar 12:00-ah Lengpui atang hian Delhi panin a haw thla dawn a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM