A Black-a Petrol Zuar Enfiah


Tarik Ni 02/Tau Thla/Kum 2012:
MAMIT: Mamit khawpui chhunga a black-a Petrol zuartute, kangmei chhuak thei laka an him leh him loh enfiahin Magistrate leh Mamit Police te inrinni khan an thawkchhuak a, Petrol zuartute chu Dan kalha thil ti an nih thu hrilhin,  fimkhur hle turin an hrilh.

Mamit khawpui chhungah hian a black-a Petrol zuar hi 10 vel awmin, a black-a Petrol (leh Diesel) zawrh hi Dan kalh a nih thu District Magistrate chuan tum engemaw zat thuchhuah siamin khapna thupek a chhuah tawh thin a, ‘marawhchu, Mamitah Petrol pump a awm loh avang leh lirthei neitute atanga mamawhna a san si avangin Dan ang taka kal hleihtheih a ni lova, a duh-a-piangin hetiang hian kawngpui sirah an zuar mai thin a ni.
Inrinnia Pi Margaret Lalrinawmi, ADC leh Addl.SP Pu Saidingliana te hova Petrol zawrhna endik hian Charkawn veng Dawr thenkhata Petrol zawrhna te endikin, veng danga mi erawh an endik lova, thu dawnnain a sawi danin, Charkawn venga Petrol zuartute chauh endik an ni hi tunhnaiah Mamit DC-ah hekna a awm vang niin hriat a ni.
ADC leh Addl.SP hova inrinnia Petrol zawrhna enfiahtute hian mahni remchan dan ang anga Petrol zawrh chu dan phal loh leh mipuite tana him lo a ni tih hrilhin, Mamitah Petrol Pump a la awm loh avangin a black-a Petrol zawrh khapna chu khauh taka kalpui a harsa tih an sawi tho bawk a. Hetihlai hian, In inhnaih tak tak dinna, mihring chen tamna leh sumdawnna hmunah te Petrol zuar an awm avangin Kangmei a chhuah palh a hlauhawm hle tih sawiin, thuneitute chuan, Petrol zuartute chu kangmei laka him ngeiah a dahna siam tur leh an zawrhchhuah danah pawh  fimkhur hle turin an chah a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM