Vengchhung Chhuahsan Turin Ti!

Tarik Ni 19/Vau Thla/Kum 2012:
MAMIT: Mamit Luangpawl venga khawsa Thaneihthanga chu YMAte’n an vengchhung chhuahsan tura an tihah chhuak lovin, Ukil ruaia YMA-in Legal Notice an hmuh hnuah VC te nen inremsiamin vawiin ral hma hian vengchhung chhuahsan tura tih a ni.
Kar liamta Inrinni khan Luangpawl veng Branch YMA te chuan Thaneihthanga chungchangah hian khawtlang inrawnkhawmna kovin, March Ni 15 hmaa Thaneihthanga’n an vengchhung chhuahsan tura tih a chhuahsan duh loh chungchangah leh, Ukil ruaia YMA te’n Legal Notice an hmuh chungchangah hma lak dan tur an sawikhawm a, thudawnnain a sawi dan chuan,
hetia, an inkohkhawm lai hian Thaneihthanga hian a Ukil hnenah tihluihnain min chhuahtir an tum tiin a han zualko a, a Ukil-in Police lam lo hrilh mai tura a tih angin Mamit Police te pawh Luangpawlah hian an tlanphei nghal a, boruak duhawm lo chhuak tur vengin Police te hi an duty a, boruak duhawm lo erawh a thleng ta lo hlauh thung.
Thaneihthanga leh YMA te inkarah hian Luangpawl VC te chuan Palai hna thawkin, Thaneihthanga hian intiamkamna a ziak ta a, vawiin (March Ni 19) ral hma ngei hian a nupui fanaute nen Luangpawl veng chhuahsan turin a intiam ta a ni.
Thudawnnain a sawi danin, Thaneihthanga hi khawchhak lam mi, kum 2008-a Phunchawng atanga Mamit Dinthar venga rawn pem thla a ni a, fa 7 neiin, Luangpawl vengah hian an awmna ala rei lutuk lova, Voters I.D pawh a nei niin kan thudawnna chuan a sawi a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM