THAWKTUTE MAWH A NI!-DC

Tarik Ni 8/Vau Thla/Kum 2012:
District Bawrhsap Pu Rodney L. Ralte IAS chuan mipui (Consumer) te’n harsatna an tawhin thuneitute hnena an thlen zung zung a tul thu sawiin, “hnathawktute pawhin a rang thei ang bera a sutkian dan an ngaihtuah nghal a \ul a ni” a ti.
Mizoram Comsumer Union leh Mamit District Consumer Association te buatsaihin nimin khan DC Conference Hall, Mamit-ah Workshop on Telecom Education and Cable Television neih a ni a. He hun hmanpuitu District Bawrhsap chuan thu sawiin, “Mamit District hi Communication-ah District dangte aiin kan hnufual a, Developmental Scheme chi hrang hrang thawh dawn pawhin Communication a that tawk loh avangin duh angin hma a lak chak tawk theih thin lova, hei hi a pawi takzet a ni” a ti a, Internet Broadband-a harsatna awm thin chungchang sawiin, hei hi a rang lama siam that a tul thu leh hetiang a lo thlenin mipuite pawhin thuneitute hnena an thlen zung zung a tul thu a sawi a, “he lama mawhphurtu hnathawktute pawhin a theih anga ranga harsatna awmte sutkian zung zung dan an ngaihtuah a tul a ni” tiin, Service Provider te pawh tan la nasa lehzual turin a ngen bawk.
He Workshop-ah hian YMA, MHIP, Zirtirtu leh School Naupang \hahnem tak an tel a, Pu Thanglura, General Secretary, Mizoram Consumer Union Aizawl in thusawiin, Telecom leh Cable Television chungchanga harsatna awmte sutkian dan sawi ho a ni a, Workshop hi Pu Zoramthanga, President, District Consumer Association-in a kaihruai a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM