Sawrkar Hna Zuar Man! (Mamita thawk ni lo)

Tarik Ni 22/Vau Thla/Kum 2012:
MAMIT: Nimin chhun dar 11:30 vel khan PRISM leh ACB tangkawpte chuan hun engemaw chen atanga an lo veh ruk tawh, Sawrkar hna zuar ni a hriat zinga pakhat an manchhuak a, amah hi Mamita Electric Department-a Meter Reader ni a sawi niin, department lam chuan a insawnchhuahna a rei tawh niin an sawi thung.

He an mi manchhuah hi Lalhmachhuani, P&E Department-a Meter Reader niin, ACB leh Prism te hian Aizawl New Capital-ah Surveyor hna 2 lei duh anga insawiin indawr turin an ko a, New Capital-ah hian Police te nen lo changin pawisa an inhlan laiin an man ta a ni.
Amah chuan Pathian rawngbawlnaa ngaia hetiang thil hi ti niin a insawi a,amah chauh hi he thila inrawlh a nih a rinawm loh bakah Officer leh hotu lian tu tute emaw an inhnamhnawih ngei rin a ni a, hetihrual hian, department danga thawk tura hna zuar an awm nual niin hriat a ni bawk.
Hetihlai hian, Lalhmachhuani hi Mamitah a thawh tawh lohna a rei tawh tih Mamita P&E department atangin thu dawn a ni a. Thudawnnain a sawi danin, hetianga sawrkar hna an zawrh reng reng hian a hniam lam zel an ni thin a, 4th Grade atanga Driver leh Surveyor thlengin an inzawrh a, hna pakhat hi cheng sing 5 atanga nuai chuangtea zuarin, hetianga hna leia sawrkar hnaa lut ta hi mi thenkhat chu an awm tawh ngei rin a ni bawk.
Nimina Mamita hun rawn hmang, PRISM President Pu Vanlalruata chuan, hetianga Sawrkar hna zawrh hi hun rei tawh tak atanga an lo chhui ruk tawh thu sawiin, Department hrang hrangah hetiang thil titute hi inthlunzawmin an inphumruk an rin thu a sawi a, mi pahnih khat mai an nih an rin loh thu a sawi a ni.

Comments

Popular posts from this blog

B.TEII HOVIN INDIA TEAM

Vawiin Lentupui...