Mamitah Consumer Rights Day

Tarik Ni 16/Vau Thla/Kum 2012:
Mamit: Nimin zing khan Mamitah Consumer Right Day hman a ni a. He huna thusawitu Mamit DC chuan ‘Mizote hi phun lungawi mai ching kan ni a, hei hi a tha lo hle a ni” a ti.

Nimin zing khan D.C Conference Hall, Mamitah ‘Con sumer te’n kan dikna i hria ang u’ tih thupui hmangin World Consumer Rights Day, 2012 hman a ni a. He huna thusawitu Mamit DC Pu Rodney L.Ralte, IAS, khuallian chuan Consumer (Mipui) te’n an dikna chanvo an hriat chian a tul thu sawiin, ‘Con sumers te chanvo humhalhna’n Sawrkar-in Dan mumal tak a siam a, kan chanvo hriat chian hi kan mawhphurhna a ni’ a ti. DC chuan, ‘Dan ang taka kan chanvo humhalh tlat hi mipuite mawhphurhna a ni a, Mizote hi phun lungawi mai ching kan ni a, hei hi a tha lo hle a ni’ tiin, lungawilohna an neih a a thlenna tur dik taka thlen chu Consumers te mawh a nih thu leh a hrem theitute’n hma an la tha lo a nih chuan Dan anga hremna pek theih an nih thu a sawi bawk.
Inkhawm hi Pu Zoramthanga, President, District Consumer Association-in kaihruai in, Pu M.S Dawngliana Hnamte, Asst. Professor, Mamit College-in Resource Person niin zirtirna a pe a. He Consumer Rights Day, 2012 hmannaah hian District Consumer Association hruaitute, thuthar thehdarhtute leh YMA Member thahnem tak an tel a.
Pu M.S Dawng liana Hnamte chuan World Consumer Rights hi John F. Kennedy, U.S President-in U.S Congress-ah ni 15.3. 1962 kuma Consumer te chanvo 4 alo puanchhuah atanga intan anih thu sawiin, ‘kan thil leiah hian sum kan sen ang hu in thil tha kan lei tur a ni’ a ti a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM