Mamitah Chapchar Kut, etc...

MUP Member te'n Mizawn Inchuh an entir!

Tarik Ni 5/Vau Thla/Kum 2012:
@Mamit: Zirtawpni khan Mamit Khelmualah Mizote Kût pakhat “Chapchár Kût” ropui taka hman a ni a. Khawpui chhung veng thenkhatah kangmei tuarte tana chenna In sak hnatlang neih anih avangin Kut hmang ve ta lo mi engemaw zat an awm thung.
Kumdangahte pawh Mizoram hmundang ruala Mamita hman thin “Chapchar Kut” chu zirtawpni khan nilengin Mamit Khelmualah hman a ni a. Chawhma dar 11:00-ah Kût Pa, District Bawrhsap Pu Rodney L.Ralte, IAS-in Kut khuhhawnna neiin, hlim taka hmang turin mipuite a chah a. Hemi hnu hian intihhlimna chi hrang hrang neih zui nghal a ni.
Kut hmang tur hian Dist. chhung khawdang atangin Zawlnuam leh Rei ek atangin Mizo Hnam Lam entir tur leh Zai (Solo) turn thalai engemaw zat rawn kalin, khawpui chhung zaithiamte nen zaiin mipui an awi a, Mizo Hnam lam chi hrang hrang entir niin, Mizo Cultural Organisation (MCU) Mamit, Zirlaite leh Zawlnuam leh Rei ek atanga rawn kalte’n Mizo Hnam Lam chi hrang hrang entirin, MH IP lamin Custom Parade (Mizo Hnam Incheina than chh oh dan) an entir bakah MUP te’n “Mi zawn inchuh” an entir a, a tawp lamah mipui nawl pui tan zaia lamna hun siam a ni bawk.
Tun tum Chapchar Kut hmannaah hian khawpui chh ung veng hrang hrang atangin nu nau chenin mipui thahnem tak an tel a, mipui nawlpuite tan thutna hranpa siam a nih loh avang in khelmual sir tluan leh kopangahte thuthmun remin, khelmual tlak lamah hun hmangtute awmna (Dawhsan) siam a nih si avangin mipuite’n an ral thlir deuh a, mipui lam atangin sawiselna pawh a awm nual a ni.
Hetihlai hian, kar liamta tira Mamit Dinthar venga chen na In 4 kang tuarte chenna In tur sak hnatlang neih chh oh mekah Kut hman ni pawh hian Venghlun leh Hmarveng ah YMA hnatlang neih leh a ni a, K|P Conference lai lo ni bawk nen Kût hma -ngtu zingah thalai lam an tam vak lova, programme duan erawh tluang taka kalpui theih niin, a boruak len loh ngaihtuahin kumin Chapchar Kutah hian mipui an pungkhawm thahnem zawk niin a ngaih theih bawk.

@ Vawngawnzo Current hawng:
mamit: RGGVY Scheme hnuaia Mamit District chhung Vawngawnzo (Pathiantlang) khaw Eng (Electric Current) pek hna zawh tak chu kar kalta Ningani khan P&E Dept. E.E Pu Benjamin L.Tlumte-in a hawng.
Ningani khan Mamit District chhunga RGGVY Scheme hnuaia Vawngawnzo khaw Eng pek chu hawn a ni a. Mamit P&E EE, Er. L. Tlumte-in Current hi On-in, a hmet eng a, hemi hnua inkhawm buatsaihah Mamit EE Er. L. Tlumte chuan Pathiantlang khaw mipuite’n Eng an nei ve ta chu a lawmpui thu sawiin, hmasawnna chi hrang hrang lo thleng zel turah a tel lova awm theih loh Electric Current an nei ve ta chu hmasawnna rahbi pawimawh ber zinga mi a nih thu a sawi a. Hmasawnna, hriselna leh changkanna atana an hman ngei a duhsak thu sawiin E.E chuan, Electrict Current chu renchem tak leh fimkhur taka hmang turin a chah a, Dan ang thlapa hmang tur leh a thlawna an hman tur a nih bik loh avangin a hman man (Bill) te ngai pawimawh turin a chah a, Electric hman chungchanga hriat tur pawimawh leh tih leh tihloh tur chi hrang hrang, mipui kalkhawmte chu a hrilhfiah bawk.
RGGVY Scheme hnuaiah hian Mamit District chhunga thingtlang khua, Eng la luh ngai lohna khua pasarih (7)- Khantlang, N.Tlangkhang, Dilzawl, Zomuantlang, Parvatui Zopui leh Vawngawnzo (Pathiantlang)ahte eng pek hna thawh a ni a, Satnam Global Infraprojects Limited, Delhi-in heng hnate hi Contract-a thawkin, tun tuma hawn tak (Pathiantlang) hi hawn hmasak ber a ni.
Vawngawnzo khaw Eng pekna’n hian 11KV line, Kms. 13.85-a thui hrui hmanga pawh niin, BPL chhungkaw 27 te hnenah Current hi pek nghal an ni.

Comments

Popular posts from this blog

Lirthei 1712 Registered

B.TEII HOVIN INDIA TEAM