Mamit Kudam A Thawl!

Tarik Ni 23/Vau thla/Kum 2012:
MAMIT: Tunlai hian Mamit Supply Kudam (Godown)-ah Buhfai tih tham a awm lova, semchhuah tham awm tawh lovin, vawiin emaw naktuk lamah emaw a lo thlen ngei ngei a ngai!.

Mamit Kudam-ah hian mipui hnena semchhuah tham Buhfai chhekkhawl sa a awm tawh lova, Department lam chuan tum engemaw zat order tawhin, vawiin emaw, naktukah emaw a rawn thlen loh chuan karlehah semchhuah tur a awm dawn lo tihna a ni. Tunah hian Mamit khawpui chhung kar khat tla (quota), Quintal 150-170 vel pawh awm tawh lovin, khawper nen chuan kar khat quota hi Quintal 280-300 bawr vel a ngai thin a, tuna awm mek hi chuan eng tham mah a daih dawn lo niin thu dawn a ni.
Supply Department lam chuan Buhfai tlem chhan hi Order a rawn thlen loh rei deuh tawh vang a nih thu sawiin, vawiin emaw, naktuk lam emaw hi chuan a rawn thlen belh ngei an beisei thu an sawi a, mipui tan thlaphanna tur a awm loh thu an sawi a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM