Mamit District Crime Dinhmun

Tarik Ni 27/Vau Thla/Kum 2012:
MAMIT: Mizoram Police Record-a a lan danin nikum 2011 chhung khan a hma kum (2010) aiin Mamit District-ah IPC hnuaiah Thubuai (Crime) a tlakhniam laiin Non-IPC huangah erawh a pung thung.
Mizoram Police-in an website (www.police.mizoram.gov.in)-a Crime Report an tarlana a landan chuan kum 2010 khan Mamit District chhungah thubuai chi hrang hrang, IPC huang chhungah 108 a awm a, nikum 2011 khan nasa taka tlahniamin, thubuai 84 chauh ziahluh a ni a, 2010 leh 2011 thubuai inthlauhna hi 24 zet a ni.

Hetihlai hian, Non-IPC hnuaiah erawh hemi hun chhung hian thubuai 26 ngawtin a pung thung a. 2010 khan Non-IPC hnuaiah hian thubuai 11 chauh a awm laiin, a kum leh, 2011-ah erawh 37 a ni a, Non-IPC hnuaia District chhunga thubuai punna hi 26 ngawt a ni.
Record-a a lan danin Mizoram chhung District 8 zingah hemi hunchhung (2010-2011) hian Mamit District hi thubuai tlemna ber pawl a ni a, Serchhip, Saiha leh Mamit te hi Crime tlemna District an ni.

Comments

Popular posts from this blog

Lirthei 1712 Registered

B.TEII HOVIN INDIA TEAM