Lirthei 1712 Registered

Tarik Ni 27/Vau Thla/Kum 2012:
MAMIT: District Transport Office (DTO), Mamit chuan kum 2007-a Mamita an inbun atangin Motor 1712 an registered tawh a, Driving Licence 2995 an pechhuak tawh bawk.
Mamit DTO Office hi kum 2007, September Ni 27 khan Mamitah inbun tan/hawngin, tun dinhmunah DTO hovin thawktu (Staff) 10 an awm mek a. Nimin (26th March) thleng khan Lirthei chi hrang hrang, Two Wheeler atanga Tripper, JCB (Excavator) thlengin 1712 registered tawhin, heng zinga 964 te hi Two Wheeler (Ke 2 nei chi) an ni.

Kumin hian Lirthei 147 registered leh tawhin, nimin chawhma lam pawh khan Lirthei 5 registered thar leh a ni a, nimina mi nen hian kumin (January to March) chh -ung hian Lirthei 152 an registered tawh a ni.
Mamit DTO Office-ah hian Lirthei neitu engemaw zatin Sawrkar ruahmanna thar anga Road Tax lak dan thar (Kum 15 chh ung atana Road Tax pek tlak nghal) angin Road Tax an pe tawh a, Lirthei registered thar tan he Road Tax lak dan thar hi hmantir nghal zel a nih laiin Lirthei hlui neitute atang erawh chuan kum 15 daih Road Tax pe hi an pung chak lutuk lova, hetihlai hian, Aizawl leh District dang atanga Lirthei Registered transfer a theih tawh lova, hei hian Mamit khawpui leh District chhunga lirthei neitute tan harsatna a thlen niin ngaih a ni. Registration transfer hi Inter-State erawh a tih theih a, District leh District inkara Transfer hi a theih tawh loh niin thawktute chuan an sawi a ni.

Comments

Popular posts from this blog

B.TEII HOVIN INDIA TEAM