HUMAN TRAFFICKING (Case 12-ah 11 chingfel)

Tarik Ni 23/Vau thla/Kum 2012:
MAMIT; Nimin khan Mamit SP leh State Anti-Human Trafficking Nodal Office CID crime Aizawl tangkawp buatsaihin Ni hnih awh tur training ‘District Level Training of Trainers on Anti Human Trafficking’ SP’s Conference Hall, Mamitah neih tan a ni a, District Bawrh sap Pu Rodney L.Ralte IAS-in a hawng.

Training hawnna inkhawm, Pu H.Sangawia, Mamit SP kaihhruaiah khuallian Mamit DC chuan thu sawiin, ‘hmanlai atanga thil awm thin, insalbehna leh nawhchizawrhna thlenga thil thleng thinah hian mipuite kan harh chhuah a hun takzet a, he lamah hian Case/thubuai awm lo tura tan kan lak tlan a ngai a ni’ a ti a, ‘tihdam aiin inven a tha zawk tih hi kan hriat reng a ngai a ni’ a ti.
Pu Joseph Lalchhuana, SP CID (Crime) & State Nodal Officer chuan Human Trafficking chung chang sawiin, ‘tunlai khawvelah insalbehna hi sualna sang ber dawttu a ni’ a ti a, ‘mihringa sumdawnna hian nun a ti chhe vek thin, mihringa sumdawnna hi a hlawk em em a, he lama sumdawngte tan risk a tlem hle bawk nen, a dotute hi kan la thangharh tawk lo hle a ni’ a ti bawk.
Kum 2000 atang khan Mizoramah human trafficking kaihhnawihah Case 12 awmin, 11 chu chin fel tawh a ni a, pakhat erawh la chin fel loh a nih thu training-ah hian tarlan a ni.
Training-ah hian Mamit Police te leh Mamit khawpui chhunga MUP, Y MA, MHIP hruaitute an tel a, Pu Joseph Lalchhuana, SP CID (crime) State Nodal Officer, Anti Human Tra ficking leh Pu Vanlalfaka, Addl.SP CID Crime br. te’n zirtirna pe in, vawiin hian chhunzawm leh a ni dawn a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM