Focus-Union Budget


Tarik Ni 17/Vau Thla/Kum 2012:
UNION BUDGET, 2012-13
Nimina Parliament Session-a Union Finance Minister Pranab Mukherjee-a’n a pharh tak, kumin sorkar kum thar atana sum ruahmanna (Union Budget)-ah chuan thil siam chhuahna lam leh hmasawnna ruhrel lam ngaih pawimawh a ni a, a bikin kawlphetha siamchhuahna leh sem chhuahnate, thlawhna lam (airlines) te, kawng, lei, lawngchawlhhmun te bakah man tlawm zawka in sakna tur leh lei\ha (fertilizers) leh tuikhuah lamte ngaih pawimawh a ni dawn a ni.

Budget-ah hian Thlai thar chhuah sawngbawlna lam tihhmasawnna atan thlai sawngbawlna hmanrua ram pawn a\anga lakluh man chhiah (custom duty) chu fu phunna khawl, rotary tiller leh hnim samna khawlah za zela 7 point panga atangin za zela 2 point panga-ah tihhniam a ni a. Coffee sawngbawlna hmanrua-ah te pawh za zela 5 a tihhniam a ni.
Urea tih loh lei\ha dang lakluh man chhiah pawh za zela 7 point panga a\angin za zela panga-a tih hniam a ni a, lei\ha tuiril chi chu za zela panga a\angin za zela 2.5-ah tihhniam a ni bawk. Thermal hmanga kawlphetha siam chhuahna lam tihhmasawnna turin ram pawn a\anga lungalhthei lakluh man chhiah awl a ni dawn a. Kawlphetha siam chhuahna atana hman chi dang gas chi hrang hrang a\anga customs duty lak \hin pawh awl a ni tawh ang a. Leichhung a\anga thil laihchhuahna hmanraw tam berah chhiah awl a ni bawk.
Rel him zawkna leh mipui tana a \angkai zawk theihna’n rel hmanraw pawimawh zualah chhiah awl a ni a. Kawng laihna hmanraw pawimawh bik, lei verhna leh thil dang dang, sorkar hnuaia contractor-te’n an chawk luhnaah chhiah awl vek a ni bawk. Thlawhtheihna service in harsatna an tawh mek sutkianna atan thlawhna parts hrang hrang leh hmanraw dang dang ram pawn atanga lakluh man chhiah awl a ni a. Ramdang airlines te India ram chhung airlines-a chanvo za zela 49 thleng neia an tel ve theih dan tur ngaihtuah mek a nih thu Finance Minister chuan a sawi a. Thil siamchhuahna (manufacturing industry) tihhmasawnna atan hmanraw hrang hranga chhiah lak thin za zela 7.5 chu za zela 2.5-ah tihhniam a ni.
LCD leh LED television panel dangte leh mobile phone memory card ah te chhiah awl vek a ni dawn a, puitling hman chi diaper siamna hmanruate pawh tihhniam a ni. Hetihlai hian ram chhunga thirsakawr siamtute \anpuina atan thirsakawr leh a siamna hmanrua ram pawn a\anga lakluhna man chhiah chu za zela 10 atangin 30-ah leh 20-ah tihpun a ni a. Nawalh siam chhuahna atana chhiah excise duty chu za zela 10 a\angin 6-ah tih hniam a ni thung.
Buh leh bal thar chhuah tam theihna atana zirchianna hna thawhna’n cheng vaibelchhe 200 serh hran a ni a. Boruak a lo thianghlim zawkna’n nizung chakna hmanga kawlphetha siam chhuahna project dinna tur leh kawlphetha heh lo chi electric bulb chi hrang hrang siam chhuahna atana chhiah zawng zawng awl vek a ni bawk a. Rangkachak, lunghlu leh tlereuh lamah erawh chuan chhiah tihpun a ni thung.
Vaihlo leh vaihlo a\anga siamchhuah zawng zawngah chhiah tihpun a ni a, Sikret atanga biri thlengin a man a to dawn a, pan masala leh gutka bakah vaihlo kaihhnawih atanga thil siam chhuah reng reng pawh a pung ang. Petrol lam pang chi-a Cess lak pawh metric tonne khatah cheng sang hniha tihpun a ni a. Car lian chi man pawh a to nghal ang.
Budget pharh takah hian in neilo mi tam tak tana in sakna tur ruahmanna te pawh telin, Income Tax pe tura bituk chin kum khata cheng nuai khat la lut ni thin chu cheng nuai 2 lalut chin a ni tawh dawn a, cheng nuai 2 leh nuai 5 kum khata la lutte’n za zela 10 income tax an pe tawh dawn a ni.
Pranab Mukherjee-a’n budget pharh paha a sawilan zingah India hmarchhak leh tlangrama khua, mi sangkhat aia tam awmnaah chuan Swabhimaan hnuaiah bank din vek tur a ni a ti a. Minister hian Budget a pharh hnu hian Finance bill pawh Parliament-ah a pharh nghal a ni.
{UNION BUDGET-REACTIONS: Prime Minister Dr Manmohan Singh chuan Finance Minister Pranab Mukherjee-a’n Parliament-a a pharh tak Union Budget chu fakin hmasawnna kawng hawi a ni a ti a. Subsidy tam tak tihtlem chu ram sum leh pai dinhmunin a mamawh niin a sawi bawk. Finance Minister hlui Home Minister P. Chidambaran chuan ram sum leh pai dinhmun sawhnghet-tu tur budget tiin a fak a. Defence Minister A.K. Antony pawhin ram venhimna atana sum ruahman danah lawmthu a sawi bawk.
Eptu pawl lian ber BJP chuan budget beidawn thlak tak tia sawiselin, mipui mimir tana phurrit tling a ni an ti a. CPM hruaitu Sitaram Yechury chuan mihausate budget tia vuahin mirethei, nitin mamawh thil man sang lutuk avanga mangang taka awmte tan chuan beidawnna a ni a ti. CPI chuan Union Budget chu tum bulfuk neilo tiin an sawisel a, BSP chuan khawpuia chengte hamthatna tur chauh thlur bing budget tiin an sawisel bawk a ni.}

Comments

Popular posts from this blog

Lirthei 1712 Registered

B.TEII HOVIN INDIA TEAM