Executive Body Insiam Fel

Tarik Ni 1/Vau Thla/Kum 2012:
Mamit khawpui chhung VC 6-a Village Council Member atana thlan tharte chuan Executive Body an insiam fel ta.
Mizoram State Election Commission-in huntiam a ruat angin February Ni 23-a Mamit khawpui chhung VC 6-a Village Council Member thlan tharte chuan Executive Body an insiam fel ta a. Executive Body insiam fel tur hian March Ni 1 (vawiin) thleng hi hun hawn a ni a, huntiam ral hmain heng VC 6 te hian Executive Body an insiam fel ta vek a ni.
Heng an Executive inruat dan (list) hi March Ni 7 ral hmain Mamit DC/District Election Officer-ah an thehlut dawn a. Chhimveng, Venghlun leh Hmarvengah VCP nilaite, VCP an ni zui leh vek a, Bazar vengah inthlakin, MNF VC-na New Mamitah leh VC thar Luangpawl VC-ahte Executive Body thar hlak an ni thung.
Luangpawl:
President-Khualdawla, Vice President-H.Rochhuahthanga, Treasurer-Lalrinmawia, Secretary-PC Lalrinkima.
New Mamit:
President-Lalhmunmawia, Vice President-Kaphmingthanga, Treasurer-Lalthuamluaia Sailo, Secretary-Lalluaia Sailo
Chhimveng:
President-H.Zakiamlova, Vice President-HD Darthankima, Treasurer-PC Lalrimawia, Secretary-Lalhmingsanga.
Bazar veng:
President-VL Sawmzuala, Vice President-PC Lalthanzuala, Treasurer-H.Lalhmuaka, Secretary-Michael Ramropuia
Venghlun:
President-SP Lalhlimpuia, Vice President-P.Lalthara, Treasurer-MS Dawngliana, Secretary- MS Dawngliana Rokhum.
Hmarveng:
President-C.Zadawla, Vice President-PC Lalthlengliana, Treasurer-Lalawmpuia Chawhte, Secretary-H.Thanmawia.

* Rakzu Man:
Mamit: Nimin zing khan Excise & Narcotics Dept. Mamit chuan Mamit leh Dampui inkar Zo Ngaw ah Rak Zu litre 102 an man a, tualchhung rate-in cheng sing 4 chuang man a ni.
Heng Rakzute hi Laihming thanga, Mamit Luangpawl leh a thurualpui Hmangaihsanga leh Lalnghakliana inti, Aizawl Bethlehem veng ve vete ta niin, Rangvamuala mi an lak niin an insawi a, an Zu phurhna hi Laihmingthanga Taxi niin, a fapa-in a khalh a, a vai hian litre 102, Fun lian 10 niin, tualchhung rate-in Rs 41588/- ni a chhut a ni. Zu neitute leh Taxi hi man nghal niin, nimin vek khan Court-ah kalpui nghal an ni.

* Hnatlang Zel:
mamit: Tunkar thawhlehni zinga Mamit Dinthar venga chenna In 4 kang tuartu chhungkuate chhawmdawl hna kalpui zel a ni a. Thawhlehnia Hmarveng leh Venghlun Branch YMA hnatlangah mi 700 vel zet hnatlang thawkchhuakin, hnatlannaah Bawm hun a ni a, mi thahnem takin tanpuina tangkaifai an thlak a ni.
Dinthar kang tuartu chhungkuate hi DC Conference Hall leh Quarter-ahte inchhunluh tir an ni a, an puala Relief Committee din chuan hma la chho zelin, khawpui chhung branch YMA tinah vehbur khawn leh Bawm huna tlingkhawmte nen tanpuina sum hi engemaw zat a luh tawh rin a ni.
Nimin khan khaw that loh avangin hnatlang neih leh tura ruahman chu thulh a ni a, vawiin hian Chhimveng Branch YMA leh Hmarveng (Hmarveng hian nitin hnatlan an tum a, naktuk Chapchar Kut pawh tel an tum lo tih an Branch hruaitute’n LENTUPUI an hrilh) te an hnatlang ve leh anga, Pi Lalsiami In sak hna an chhunzawm ang.
In pakhat sak nan hian `90,000/- a dung 28ft leh avang 18ft tura ruahman a ni a, Chhawmdawlna hmasa atan mi pakhatah zelah ` 1,000/- pek turin Relief Committee chuan a rel a. In kang hlut zawng hi cheng nuai 17 vel ni a chhut a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM