CHHUNGKUAA NUTE AN PAWIMAWH BER-JOHN-A

Tarik Ni 10/Vau Thla/Kum 2012:
Mamit: Mamit bialtu MLA Pu John Rotluangliana, Dy. Speaker chuan, “Zonunmawi inzirtir tur chuan chhungkaw tina Nute hi in pawimawh ber a ni” a ti.
Dampui Community Hall-a MHIP Sub-Hqrs. Mamit Conference a hmanpuinaah John-a chuan he thu hi sawiin, “Zonunmawi inzirtir tur chuan chhungkaw tina Nute hi in pawimawh ber a ni” ti a, Mizo hmeichhiate chu an dinhmun chawisan ringawt ngaihtuah lovin, ram leh hnam dinchhuahna tura an pawimawhna hre thar zel tura a duh thu sawiin, “nu leh pa dinhmun luah hnuah pawh Nute zirtirna hi chu kan theihnghil ngai lo a ni” a ti a, thangthar lo la awm leh zel turte tan pawha zirtirtu tha an nihna hria a, hma la sauh sauh turin MHIP members kalkhawm te chu a chah a ni.
John-a chuan tunlai khawvel ah hmeichhiate’n dinhmun sang tak tak an chelh tawh thu sawiin, “hemi kawngah hian mipate pawh kan in enlet a, kan in bihchian a tul tak zet a ni” a ti a, “kan society leh hnam kan chawikanna kawngah tha thlah lova theihtawp kan chhuah chuan ramin hma a sawn ang a, hnam ang pawhin kan dingchhuak ngei ang” tiin, MHIP chu Political Party inrawlh lo, pawl thianghlim ni zel turin duhsakna a hlan bawk a ni.
Bialtu MLA hian Ningani khan Mamit rawn thlengin, Damdiai khawtlangin Village Council thar an neih lawmna leh Party dangin chuh buai lova Congress Party hnena VC an pek lawmna hun a hmanpui a, zirtawp zan khan Mamitah riakin, nimina Dampuia MHIP Conference a hmanpui zawhin Aizawlah a haw chho leh a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM