MAMITAH NLUP SEM LEH


Tarik Ni 10/Ramtuk Thla/Kum 2012:
Agriculture Department chuan an hnuaia NLUP trade thlangtu, Mamit khawpui chhung, Phaizau leh N.Sabual khua amite hnenah NLUP thawh 3-na an sem a, nimin khan heng mi 39 te hnenah hian NLUP 3rd Installment sum hi an hlan a ni.
District Agriculture Officer (DAO) Office, Mamit chu -an nimin khan an Conference Hall-ah Agriculture Department hnuaia NLUP trade thlangtute hnenah hian NLUP thawh 3-na sum hi hlanin, heng mite hi Mamit khawpui chhung atangin Mi 30, N.Sabual 7 leh Phaizau khua atangin Mi 2 te an ni a, Oil Palm, WRC-I, WRC-II leh Sugarcane thlangtute an ni.
WRC-I leh WR -C-II trade thlangtu (Beneficiaries) te hi Mi 7 niin, Oil Palm thlangtu Mi 20 leh Sugarcane thlangtu Mi 5 an ni a, WRC-I thlangtute hnenah hian `39,000/- hlanin, WRC-II thlangtute hnenah `28,000/-, Oil Palm thlangtute hnenah `28,000/- leh Sugarcane thlangtute hnenah `20,000/- theuh an hlan ni.
Agriculture Department hnuaiah hian Mamit District chhungah NLUP Trade thlangtu Mi/chhungkua 701 awmin, khaw 70-ah an awm a. Nimina 3rd Installment dawngtute hi New Mamit atangin Mi 9, Mamit Chhimveng 2, Bazar veng 7, Venghlun 2, Hmarveng 10 te bakah N.Sabual atangin 7 leh Phai zau khua atangin Mi 2 an ni.

Comments

  1. Thlalak khi Pu LT ngatinge a B&W a i dah kher le. Grayscale kha i la hmang zing tluk tluk em te ka lo tia :)

    ReplyDelete
    Replies
    1. hmundang atanga ka load nia, a original ka lo keng si lo alawm le!! Lentupui ami ka print screen vel mai mai nih hi........

      Delete

Post a Comment

Popular posts from this blog

Lirthei 1712 Registered

B.TEII HOVIN INDIA TEAM