Mamitah Inthat!


Tarik Ni 14/Ramtuk Thla/Kum 2012:
MAMIT: Nizan dar 10:00 vel khan Mamit Mizo venga khawsa Lalrinthanga (K30), Lalnunfeli pasal chu a Inluahpuipa Zodinsanga (K31), Lalnunmawii pasalin a nákah Chemtea vitin, Damdawi In thlenpui hmain a boral a, Zodinsanga hi a tlanbo nghal.
Mamit Mizo venga Pu Tlangchangliana In luah pahnih, Lalrinthanga, Thatchungnunga fapa, khawchhak lam mi leh Zodinsanga (Bru), Lalramthara, Mual\huam khuaa mi fapa te chu nizan  dar 10:00 vel khan inhnial thinrimin, an insual a, Zodinsanga hian Chemte-in Lalrinthanga nák veilamah vitin, Mamit Damdawi In an panpui laiin a chat thla a, Chemte hi chawhmeh channa ang chi Chemte a ni.
Zodinsang hi tlanbo nghalin, Police te’n an chhui zui nghal a, he thu buatsaih lai (tukin zing) kha chuan man ala ni lo. Mamit Police te sawi danin, an pahnih hian Zu an rui ve ve a, kut an inthlak hma pawh hian inhnialin, inkawmngeih tak erawh an ni thung.
An pahnih hian nupui fanau neia khawsa, Zu zuar ve ve niin Mamit Police te chuan an sawi a, \um engemaw zat chu khawtlang leh an Inluah neitute zilh pawh an lo tawk tawh a, nizana hetiang thil a thlenna chhan pawh hi an ruih vang a nih a rinawm niin Police te chuan an sawi a ni.


Comments

Popular posts from this blog

Lirthei 1712 Registered

B.TEII HOVIN INDIA TEAM