Mamitah Congress-in VC 5, MNF-in VC 1 an la!

Tarik Ni 24/Ramtuk thla/Kum 2012:
Mamit leh Mamit District chhung khua/veng hrang hranga Village Council Member tur thlanna, nimina neih zawh takah Mamit khawpui chhung VC 6-ah rorellai Congress Party-in VC 5 la in, MNF-in VC 1 an la a. VC 2-ah Congress-in Seat la vekin, VC 4-ah erawh Party pahnihte’n an insem vek thung.
Mizoram hmundang rualin nimin khan Mamit leh District chhung hmun hrang hrangah VC inthlanna hi neih a ni a, harsatna sawi tham awm lovin mipui te’n zing dar 7:00 atanga tlai dar 4:00 inkar chhungin vote an thlak a. Vote tla te hi chhiar zui nghal deuh mai niin, Mamit khawpui chhung bikah chuan nizan dar 10:00 vel khan vote hi chhiar zawh an ni hlawm.
Mamit khawpui chhung VC 6-ah rorellai Congress Party chuan VC 5 changin, Venghlun VC leh VC thar Luangpawlahte seat awm zawng zawng seat 8 (5+3) an chang vek a, Hmarveng, Bazar veng leh Chhimvengah erawh seat 3 theuh changin, MNF-in seat 2 theuh an chang a. Member 5 awmna New Mamit chu MNF-in changin, seat 4 an la a, Congress-in seat 1 an la ve thung.
Tun tum VC inthlanah hian Candidate zingah VC nilai 17 an awm a, heng zingah hian 12 te chu thlan nawn leh niin, 5 te erawh an tling zo ta lova, Luangpawl VC tih loh, VC dang 5 te hi rorellai Congress Party VC vek niin, VC 4 an chan zui laiin VC 1 erawh MNF-in an chhuhsak ta a, Luangpawl nen rorellai Party hian VC 5 tho a nei zui leh a ni.
Heti hian, khawpui chhung VC 6-ah Congress Party-in VC Member 18 neiin, MNF-in Member 10 an nei ta a, VC Member atana thlan tlin mi 28 zing ah hian Member nilai 12 awmin, Member ni thar tur mi 16 an awm dawn a ni.
Mamit khaw chhehvel/khawper thenkhatah result a inang lo tlang hle a, Phaizauah chuan INC (Indian National Congress)-in seat 3 an la vek a, Nalzawlah INC 2 leh independent 1, Darlakah INC-3 leh MNF-2, Bawngva ah INC -2 leh MNF-1, N.Sabualah INC 1 MNF -1 Independent 1 an tling a ni.
District pumahVoters 48286 atangin vote 38973 a tla a, 80.71% niin, Darrohnuni, kum 100 Kawrthah ‘S’ chu Vote thlak Upa ber nia hriat a ni.
Mamit District chhung hmun hrang hrang, hriat theih chinah Kolalianah INC- 3, Tumpanglui INC- 1 MNF- 2,Serhmun West INC-2, Indepdent -1, Bunghmun West ah MNF- 3,Saikhawthlir INC -1 MNF -2,Marpara Mizoveng ah INC- 3,Hruiduk ah INC -1 Ind-2, Pukzing Vengthar ah INC-2 MNF- 1, Pukzingah INC 2 Ind -1, Phulpui West-ah INC -3 ,Parvatui INC -2 MNF -1,Saithah INC-2 MNF-1,Rulpuihlimah INC -2 ZNP -1, Bawngthah INC -1 MNF-2, Khawhnaiah INC -2 MNF -1, Tuirum INC -1 Ind -2, Phaizauah INC -3, N.Sabual ah INC 1 MNF -1 Ind -1, Nalzawl INC 2 ind -1, Lengte INC 2 MNF 1,Nghalchawm INC -1 MNF-2, Thaidawr ah INC -1 MNF-2,New Eden ah INC- 3,S.Sabual ah INC -1 MNF -1 MPC -1 ,Luimawiah INC-2 MNF -1,Hriphaw INC-3, Zawlpuiah INC-1 MNF-2, Tudam ah INC-5, Kawrthah North ah INC-3 MNF-2, Sihthiang INC -4 MNF-1, Chuhvel INC -2 MNF -1, Zomuantlang INC-3, Darlak ah INC-3 MNF-2, West Phaileng ah INC-1 ZNP-3 Ind-1, Lallen ah MNF-2 ind -1, Phuldungsei ah INC- 1 MNF-2 Ind-2, Chungtlang INC-1 MNF -1 Ind-1, Khawrihnim INC -2 MNF -1, Tuipuibari-I ah INC -1 MNF -4, Bawngva ah INC -2 MNF-1, Hmunpui ah MNF -5, West Serzawl ah INC-2 Ind -1 an ni.
Mamit District chhungah hian VC 86-ah VC 78-ah inthlanna hi kalpui niin, Seat 307 a awm a, chuh lova tling sa VC 7 (Rajiv Nagar-II, Mualthuam, Belkhai, Teirei Forest, Damdiai, Hreichuk leh Khantlang) awmin, Seat 25 awmna an ni a, heng, chuh lova tlingte hi Independent pakhat tih loh chu Congress Candidate vek an ni.
W.Phuldungsei chu Addl. District Magistrate & Collector, N.Tripura, Dharmanagar ngenna angin Mizoram State Election Commission-in vote thlak hma zan dar 9 :00 vel khan State pahnihte inbiakremna awm hma chuan inthlanna hi kalpui rih lo turin a ti a ni.
Mamit District-ah hian Candidate atana pawm zawng zawng chu mi 793 niin, Congress-in Candidates 330, MNF-in 281, ZNP-in 27 leh MPC-in 10 an nei a, Independendent 145 awmin, Hmeichhe Candidates 16 an awm a ni.
District chhungah Sensitive Area 11 awmin, Sihthiang, Thaidawr, Zomuantlan, Tumpanglui, Mualthuam, Suarhliap, Tuipuibari, Chhippui, Thinghlun, Kawlalian leh Nalzawlte an ni a, heng khuaahte hian hmundang aiin venghimna khauh lehzuala kalpui niin, Thaidawr leh Belkhai te chu kea kal ngai an ni a, phone hman theih lohna khua 6-ah WT set nen Police an duty a ni.
* Village Council member atana thlan tlinte hian Dt. 1.3.2012 aia tlai lovah Village Council Executive Body siam fel vekin, charge an la fel vek anga, Returning Officer kaihhruainain sitting hmasa ber (First sitting) an nei dawn a ni.
Majority awm lohna (Drawn) leh harsatna eng emaw bik avanga ni 1.3.2012-a Executive Body siam thei lote chuan Acting Village Council President an siam anga, Acting Village Council president te chuan ni 2.3.2012-ah charge la in, sitting an nei anga, amaherawhchu, ni 9.3.2012 hmain Village Council Executive Body an siam fel hman ngei tur a ni thung.
Executive Body an siam thar (list) hi Ni 7.3.2012 aia tlai lovah Mamit DC/ District Election officer-ah thehlutin, Ni 1.3.2012 a Executive Body insiam thei lote erawh chuan ni 16.3.2012-ah emaw, a aia hmain emaw Executive Body an siam list chu DC/ District Election Officer-ah an thehlut dawn a ni.
VC Election hnuhnung ber kum 2009-a neihah khan Mamit District chhungah VC 71-ah inthlanna neiin, rorel lai Indian National Congress (INC)-in VC 58 an la a, MNF-in 8, Independent-in 3 leh indraw-na VC 2 an awm a, a pumpuiah INC hian seat 169 an la a, MNF-in seat 35, MPC-in 6, ZNP-in seat 4 leh Independent-in seat 28 an la a ni.
Mamit khawpui chhung VC 6-a VC Member thlan tur thlan tlinte:
Luangpawl:
Congress =
H.Rochhuahthanga
Khualdawla
Lalrinmawia
New Mamit:
Congress=
C.Lalchhuankima
MNF=
Kaphmingthanga
Lalhmunmawia
Lalthuamluaia Sailo
HD Darhlunchhung
Chhimveng:
Congress=
H.Zakiamlova
HD Darthankima
PC Lalrimawia
MNF=
K.Lalbiaktluanga
C.Ramluahbeiseia
Bazar veng:
Congress=
PC Lalthanzuala
VL Sawmzuala
H.Lalhmuaka
MNF=
HD Lalsanglura
Lalthakima
Venghlun:
Congress=
SP Lalhlimpuia
H.Laldawngliana
MS Dawngliana
P.Lalthara
C.Lalrohlua
MNF=
Hmarveng:
Congress=
C.Zadawla
Lalawmpuia Chawhte
PC Lalthlengliana
MNF=
R.Lalrova
Lalchhanthanga

Comments

Popular posts from this blog

Lirthei 1712 Registered

B.TEII HOVIN INDIA TEAM