Executive Body Insiam Mek

Tarik Ni 27/Ramtuk Thla/Kum 2012:
Kar kalta Ningani (Feb.23)-a neih zawh tak Village Council Inthlana thlan tlin takte chuan tunlai hian Executive Body an insiam chho mek a, thenkhatah chiang sa leh hriat lawk theih deuh anga ngaih awm mahse tun thlenga la insiam fel rih lo an awm bawk.
Mamit leh District chhunga VC Member atana thlan tlinte chuan Election Commission ruahmanna zulzuiin tunlai hian an nihna leh dinhmun chelh tur (Executive Body/President, Treasurer, Secretary) insiam chho mekin, khawpui chhung VC 6 bikah chuan VC thar Luangpawl VC leh MNF VC-na New Mamit VC-ahte ‘a hma ami ang’ han tih mai tur ang an awm loh avang leh VC thar chan an chan deuh avangin mipuite ngaihven an hlawh zual deuh niin ngaih a ni a. Hetih lai hian, VC dang 4 (Chhimveng, Bazar veng, Venghlun leh Hmarveng) ahte erawh VC Member nilai engemaw zat tling lehin, Congress Party VC-na bawk an nih leh avangin chanvo insem chu ngchangah harsatna tehchiam a awm a rinawm loh niin ngaih a ni.
Executive Body insiamna’n hian March Ni 1 thleng khi hun pek an ni a, hemi hun chhung hian anmahni bialtu R.O te kaihhruainain charge inhlanin, Sitting hmasa ber pawh neih tur a ni a, March ni 1 hmaa Executive Body insiam fel thei lo chuan Acting Village Council Pre sident insiamin, March Ni 2-ah charge a la ang, Executive insiamfel turin March ni 9 thleng hun pek an ni anga, March Ni 16 aia tlai lovah DC/Dist. Election Officer-ah an Executive Body siam hi an hriattir dawn a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM