Dt.8/2/2012 Issue......:


Tarik Ni 8/Ramtuk Thla/Kum 2012:
Mamit: Pi Sundari Nanda IPS, Director, Anti-Corruption Bureau (ACB) chuan Mamit khawpui chhunga Department hrang hrang hotute chu Dan leh Hrai hriatna lama hmasawn tum tura chahin, Corruption laka fihlim turin Officers te’n mawh an phurh thu a hrilh.
Nimin chawhma khan ACB Director Pi Sundari Nanda IPS hian DC Conference Hall, Mamitah Mamita Sawr kar Department hrang hrang hotute (Head te) kawmin, hemi chungchang hi a sawi a. Pi Nanda-i chuan, ‘Corruption hi kan mimal rilru putziaah a innghat a, Corruption laka kan fihlim theihna’n Officers te hian mawh kan phur hle a ni’ a ti a, ‘sawr kar hnathawk kan nih avangin dan leh hrai hriatna lamah leh sum hman dan kalphung hriatna lamah hmasawn kan tum tur a ni’ tiin, officer kalkh awmte chu Anti-Corruption Bureau kalphung leh hma lak dante a hrilh a, ACB chu, mipui te’n an chanvo dik tak an chan theih na’na hmalatu an nih thu a sawi a ni.
He inkawmhona hun hi DC Pu Rodney L. Ralte IAS-in a kaihruai a, khawpui chhunga Heads of Offices te chuan an thil hriatthiam lohte zawtin, ACB Director hian a hrilhfiah a, Mamit DC-in hetianga inkawmhona hun a buatsaih chu lawmawm a tih thu a sawi a ni.
ACB Director Pi Sundari Nanda IPS hian thawhtanni khan SP Conference Hall, Mamitah Mamit Police te nen hun hmangin,  chawhnu lamah Tlawmngai Pawl hruaitute a kawm bawk a ni.

MPF-in Candidate te Kawm:
mamit: Mizoram People Forum (MPF), Mamit chuan nimin khan Feb. Ni 23-a Village Council Inthlanna neih turah Inthlanna thianghlim leh felfai, khawtlang tana mitha thlanchhuah an nih theihna’n Mamit khawpui chhunga VC Candidate te leh Political Party hruaitute an kawm a. He hunah hian khawpui chhung VC 6 atangin Candidate te leh Party hruaitute an kal tha hle a. Sub-Hqrs. YMA Office-a he hun hmannaah hian MPF hruaitute chuan inthlanna thianghlim leh felfai, inchirhthehna tenawm a thlen lohna’na an duhthusamte sawiin, khawtlang thatna turin mipuite’n an duhna ngeia vote an thlak a, mitha an thlanchhuah theihna’n Party Politics tui nu hmang lo tura Party te an beisei thu an sawi a, inthlan vuakvetah sum leh pai leh therhlo hmanga hma lak tha an tih loh thu, Candidate te leh Party hruaitute hi an hrilh a ni.
Candidate te leh Political Party aiawhte pawhin thu sawiin, MPF thiltum chu zahawm an tih thu leh zawm ngei chu an bat a nih thu an sawi a, inthlanna thianghlim chu an duhthusam a nih ve tho thu an sawi a ni.
He hunah hian MPF lam atangin fuihna thuchah bakah pathian hnena inhlanna hun hmangin, Mamit khawpui chhung VC/veng hrang hranga VC Candidate te bakah Political Party lian pahnih; Congress leh MNF Party hruaitute an tel a ni.

MCTA Mamit Br-in Sawifiah:
mamit: Mizo ram College Tea chers Assoc iation, Govt. Mamit Col lege Branch te chuan nimin khan Mizoram Sawrkar laka an thilphut chungchang sawi fiahna neiin, Mamit College Professor’s Common Room-ah thuthar thehdarh tute nen hun an hmang a. He hun hi MZP Hqrs. Mamit District hruaitute pawhin telpuiin, MCTA hruaitute chuan 6th pay arrear lak phuta tunkar thawhtannia lungawi lohna lan tir an tum, an thulh leh tak chung chang an sawifiah a. Hemi chung changa Mizoram College Teachers Association te’n lungawilohna lantir an tum hi Chief Minister leh Fi nance Minister te’n tihhlawhtlin an tiam avangin thawh tanni la la khan an ti tawp lehnghal a ni. 

Comments

Popular posts from this blog

Lirthei 1712 Registered

B.TEII HOVIN INDIA TEAM