NINGANI (5/1/12) LENTUPUI.......

Tahrik Ni 5/Pawl Kût Thla/Kum 2012:
@ROLL PUBLISHED!:
Mamit District chhung Constituency pathum; I-Hachhek (ST), 2-Dampa (ST) leh 3-Mamit (ST) Photo Electoral Rolls Summary Revision 2012 chu zawhfel a ni tawh a, vawiin hian Mamit DC Office-ah tarchhuah a ni ang.
Roll hi DC Of -fice, Election Bran ch-ah en theiha tarchhuah a ni anga, ERO/AERO office te bakah, Booth Level Officer te leh VC leh Pol. Party hruaitute hnenah en theih a ni bawk ang.
Zawhfiah duh neite tan January thla chhung hun hawn a ni dawn a, hemi chhung hian zawhfiah theih a ni ang. Kum 2012, Ja nuary Ni 1-a kum tling tawh, roll-a la chuang ve lo te tan Booth Level Offi cer-te hnenah dilna thehluh theih a ni bawk ang.
Election Com mission of India thupek angin vawi in hian Aizawl leh District khawpui dangahte pawh Draft Roll hi tar chhuah a ni ang.
Tuna Roll hman lai mekah hian Mamit District-ah Vote nei (Voters) 52499 awm mekin, Mamit Consti tuency-ah voters 18414 an awm a, Hachhek Consti tuency-ah tam ber in, 18770 an awm a, Dampa Consti tuency-ah Voters 15315 an awm a ni.

@ MAMIT NAUPANG 10 VEL!!:
Mamit: Nimin a\ang khan India ramchhung State hrang hrangte Spo -rts Items chi hrang hrang hmanga Inel na ‘National PYK KA Competition/Championship’ neih \an a ni a, Mi zoram aiawhin Ma mit a\angin Nau pang 10 vel thawk chhuakin, nimin khan Volleyball leh Football-ah hneh na an chang.
Kolkata Salt Lake Stadium-a khelh Mipa Volley ball-ah nimin khan Mizoram hian stra ight set-in Delhi an hneh a, Bangalore-a khelh Mipa Foot ball-ah Mizoram hian hnehna chang bawkin, Mizoram Football Team-ah hian Mamit Naupang Gospel Lalhmangaiha, Vengthar a tel a, Volleyball-ah Ma -mit naupang 3; Lal ramthiamsanga, Pu F.Lalremliana fapa, Field veng, Jery Vanlalruata, Pu Lal zidinga fapa, Field veng leh Lalruat mawia, Dinthar te an tel bawk.
He PYKKA Competition-ah hian Football leh Volleyball bakah Taekwondo, Intlan siak, mimal (Indivi dual) leh a huhova intihsiakna eng emaw zatah State hrang hrangte inel in, Mizoram a\ang hian infiammi nau pang (kum 16 hnuai lam) \hahnem tak an thawkchhuak a, an zingah hian Mamit naupang 10 vel an tel a ni.
Mipa Football-ah hian tukin hian Mizoram hian Ma harastra State an khel leh ang.

@ HUNPUI A TIAK!:
Mamit: Kum 2011 Kris mas leh 2012 Kumthar lawmna chu Mamit leh Mamit District chhung khaw tinah hman zawh a ni ta a. He Hunpui vuakvetah hian boruak duh awm lo leh Dan bawhchhiatna liantham a thlen thu hriat a ni lova, sawrkar phal loh Halpuah leh Halmawlte pawh kumdang zawng aiin hriat tur a awm lova, boruak a ralmuang hle.
Mamit khawpui chhung Kohhran thenkhat chuan Krismas Ni hi serhin, Krismas pual inkhawm an hman laiin ruai erawh an buatsaih lova, a tuk thawhtanniah ruai an buatsaih a, Kumthar Ni pawh serhin, a tukah ruai an buatsaih a, kohhran \henkhat chuan a Ni takah te hian ruai nen a lawmna hun an hmang thung.
Hunpui chhung hian Police leh Excise lamin ngawrh takin ruihhlo leh Dan bawh chhiatna an veng/vai a, veng tinah YMA leh Police te duty insiamin, khawlaia buaina siam leh rui buai hmuh tur an tam lo hle a. Halpuah thawm hriat tur a awm lova, khawpui chhung a reh in, a ralmuang hle a ni.
Hunpui vuakvet lai hian Mamit Police te’n Case lian tham registered an nei lova, an mi man te pawh ‘rui satliah’, zan khat tan tir a, a tuka chhuahtir lehnghal ang chi lek lek an ni a. Excise Department pawhin ruihhlo leh a neitu man nual mahse lian tham tak man an nei lova, lirthei chetsualna leh vanduaina dang lian tham thleng a awm thu hriat a ni lo bawk.

@PISA LA KAI KIM LO:
Mamit: Krismas leh Kumthar lawmna hun hmanga chawlhkar hnih chhung vel Mamit khawpui chhunga Sawrkar Department hrang hrang Office te an chawlh hnuin nimin leh niminpiah a\ang khan an inhawng \an leh ta a. Sumdawnna hmun hrang hrangte pawh dan pangngai angin hna an \an leh tawh. Hetihlai hian, Mamit khawpui chhunga Sawrkar Pisa hnathawktute an la awm mumal lutuk hlawm lo.
Sawrkar Calendar ang chuan Krismas leh Kumthar inkar bakah Kumthar lawmna tuk a\angin Department Pisa te hi hawn lehnghal tur a ni a, kohhran tam zawkin January Ni 2 leh Ni 3-ah kumthar lawmna an la hman avangin Pisate hi la inhawng mumal lo tura ngaih an nih sa laiin nimin (Jan.Ni 4) pawh khan Office te hi inhawng hlawm mahse thawktute an la kal \ha lo hle.
Office pui ber DC Office chu dan pangngai anga hawn a ni tawh a, thawktute erawh an la kim lo hle. Department hrang hrangte pawhin an Pisa te hawng mahse hnathawktute an la kal kim lo hlawm hle a, anmahni dawr tur mipui lam pawh nimin hi chuan an la tam lo hle a ni.
Mamita sawrkar hna thawk, Krismas leh kumthar lawmna mahni khua/veng lama hmang hnathawktute pawh an la rawn haw kim lova, Department hotu lam pawh awm lo an la awm nual a, tunkar chhung hi chuan an rawn thlen kim hman beisei a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM