Dt.30/Jan/2012 LENTUPUI..............

http://www.facebook.com/pachuaulta.lta
Tahrik Ni 30/Pawl Kut Thla/Kum 2012:
Gas Buk Tling Lo Nasa!:
MizoFed-in Mamit Chhimveng huamchhunga an sem Eirawngbawlna Gas chu inrinni khan mipuite hmuh laiin a tlin leh tlin loh teh/buk a ni a, buk tling lo a tam hle!.
Dan pangngai angin inrinni khan MIZOFED chuan Gas rawn thlengte semchhuak lehin, Chhimveng VC huamchhung, Hmunsam venga semchhuahte chu a latu (Consumer) te’n a tlin leh tlin loh buk an duh thu an sawi a, an ngenna ang hian Gas Cylinder te hi buk an ni ta a, buk tling lo (a rih dan tur aia zang) a tam hle.
Gas Cylinder hi 70 semchhuah a ni a, heng zinga 10 vel chu kg 28 atanga kg 30 inkar niin, a tam zawk chu kg 25 atanga kg 27 inkar an ni hlawm.
Thu dawnnain a sawi danin, Gas latute hian a man an pek hmain Cylinder te hi buk an dil a, MIZOFED lam hian buk a nih a, a tling lo a awm chuan hralhchhuah theih a nih dawn loh thu an hrilh avangin buk hmasa lo hian an lei ta a, pawisa an pek hnuah an buk ta chauh a ni.
Gas mamawhna a san em avangin mipuite chuan buk hmasa lovin an lei ta mai ni a sawiin, MIZOFED lamin a tling lote chu an hralhchhuah theih dawn loh thu an sawi bawk si avangin pawisa an pek hnuah an buk ta mai niin an sawi a ni.
Hetiang hi a nih avang hian mi tam tak chuan buk tling lo hian an lo lei tawh thin dawn ni a an ngaih thu sawiin, Chhimveng VC te pawhin hun rei tawh tak atang khan a buk tling lovin Gas Cylinder hi an lo lei tawh thin thu an sawi a. Inrinnia Gas buk tling lo rawn phurtu Motor (Tripper) hi MZ 05/52299, AK Shetty, Silchar ta  niin, a khalhtu hi Kalam Uddin, Silchar a ni.

CPD-in NLUP Zirchiang:
** Mamit: Centre for Peace and Development; Actionaid India (CPD), Mamit District buatsaihin Zirtawpni leh Inrinni khan Mamitah NLUP chungchang inzirtirna neih a ni a, CPD Secretary chuan, ‘Sawrkar flagship programme NLUP hi zirchian kan duh a, hlawhtling ngei se kan ti’ a ti.
DRDA Conferece Hall, Mamita neih he NLUP zirhonaah hian NLUP line Departments hrang hrang; Forest Department, Horticulture Department, Fisheries Department, Sericulture Deptt leh AH& Vety Department-a mithiamte’n zirtirna pe in, inrinni khan Chairman Pi Angela Ch. Ralte, CPD Secretary chuan, ‘Sawr kar flagship programme NLUP hi zirchian kan duh a, sorkar-in Mipuite tana sum a hmanna hi hlawhtling ngei se kan ti a, NLUP hi a mamawh ngei ten dawng thei se kan duh a ni’ tiin, ‘NLUP hian kan land holding system a nghawng nasa dawn tih mipuite’n kan hriatchian a ngai a, engtin nge Mizoram hi a nghawng dawn tih a tul  ang in kan zirchiang dawn a ni’ a ti.
Ni hnih awh he Training-ah hian Mamit District chhunga CPD hmalakna huam chhung atangin Volunteers \hahnem tak an tel a ni.

Mamitah fire prevention week!:

** Mamit: Mamita District  Level Fire Prevention Committee  thukhawm chuan Lo/Leipui hal huntiam chhunga hal lo an awm chuan hrem ngei ni tawh se’ an ti!.
District  Level Fire Prevention Committee chairman,  Mamit DC  Pu Rodney L. Ralte hova Zirtawpnia thukhawm chuan kumina district chhunga kangmei ven dan tur sawihovin, State Level Committee kaihhruaina zulzuiin Mamit khawpui bakah Civil Sub-Division leh Block tinah Fire Prevention Week hman ni se an ti a, Zirna In, Kohhran leh tlawmngai Pawlte hnenah Kangmei tichhuak lo tura inzirtirna neih ni se, District chhunga Kangmei veng tha khua thlanchhuah leh ni se an ti bawk.
Meeting-ah hian Mamit District chhunga DFO te, tlawngai Pawl hruaitute leh Head of Offices te telin, inthlahdah leh tihluih vanga ram ti kang an awm loh na’n DC/Dist. Ma gisrate-in  Thupek lo chhuah se, Lo/Leipui hal hun March 15 hnu lama la hal lo an awm chuan hrem ngei ni tawh se, an ti a, Meilam/Meikawng zau taka sial turin khawtinah inzirtirna neih ni se, ramkang hlauhawmna khua bikahte MGNREGS hmanga Meilam sial hna thawh ni se, tiin, Chan chinbu leh Local Cable-ah te kangmei venna lam hawi thuziak tha lawmman siam sak ni se an ti bawk.

Comments

Popular posts from this blog

Lirthei 1712 Registered

B.TEII HOVIN INDIA TEAM