Dt.27/1/12 LENTUPUI

Tahrik Ni 27/Pawl Kut Thla/Kum 2012:
Mamitah Rep. Day Champha...:
India ram hmundang rualin nimin khan India Republic Day vawi 63-na chu Mamit Khelmualah ropui taka lawm a ni a. Chawhma dar 10:00-ah khuallianin Hnam Puanzar pawtpharhin, nikum chhunga Mamit District chhung mi, Infiammi kawng hrang hranga State leh National Level-a Medal latute hnenah Chawimawina hlan a ni a, March Pass-ah Mamit High School Girls Contingent chu Pakhatna an ni!.
Nimina India-in ama puala Dan Pui (Constitution) a hman \anna Ni ‘Republic Day’ champha vawi 63-na Mamita lawmnaah hian khuallian Mamit DC Pu Rodney L.Ralte, IAS chuan chawhma dar 10:00-ah Hnam Puanzar pawtpharhin, March Pass/Parade Contingent a endik a, Parade Contingent te’n India Hnam Puanzar chibai an buk chhangletin, he Ni puala a thusawiah Khuallian chuan, Republic Day chawmpha vawi 63-na lawm theia India mipuite hruai thlengtu Pathian hnenah lawmthu a sawi a, ‘India chu khawvel ram hmasawn ber leh ropui berte zinga mi a lo ni ta a, hei hi hnam hrang hrangte inngeih taka kan awmho vang leh kan inlungrual vang a ni’ a ti.
Khuallian chuan, India ram hmundang rualin Mamit District pawhin kawng hrang hrangin hma a sawn chhoh zel thu sawiin, ‘sawrkar chak tak leh hruaitu fel tak tak kan neih vang a ni’ a ti a, hma lam pan zel tur chuan mipuite inpekna a pawimawh thu leh kan zavaia mawh kan phurh thu sawiin, tun kum kal mek leh kum kalta chhunga Mamit District-in kawng hrang hranga hmasawnna a neihte a tarlang bawk a ni.
Khelmuala hun a hman zawhin khuallian hian Mamit Damdawi In tlawh nghalin, damlo 13 te hnenah thilpek a hlan a, hemi hnu hian Tourist Lodge-ah sawmbikte pualin VIP’s At Home a neihpui a ni.
Nimin Republic Day champha lawmnaah hian March Pass Contingent 10 (Armed 1 leh Un-armed 9) awmin, Mamit High School Girls Contingent chu 1-na an ni a, St.Francis of Assissi High School chu 2-na niin, Mamit High School Boys Contingent te 3-na an ni a, SSA Pipe Band, G.M/S-II te’n Hnam Hla remin, Band Display hmuhnawm tak an entir a. Nikum (2011) chhunga Mamit District mi, Infiamna kawng hrang hranga State leh National Level (State Level-a 1-na leh National Level-a 1-na a\anga 3-na) -a lawmman latute hnenah chawimawina tangkafai hlan a ni a, lawmman dawngtute hi mi 26 niin, Mamita Republic Day lawmnaah hian Sawrkar Official te leh mipui \hahnem tak an tel a ni.

District Hmasawnna...:
** India Republic Day vawi 63-na lawmna, nimina Mamit khelmuala neihah khuallian District Bawrhsap Pu Rodney L.Ralte, IAS chuan, Mizoram leh India ram hmundang rualin Mamit District-in kawng hrang hrangah hma a sawn chho ve zel ni a sawiin, District hmasawnna hrang hrang te a tarlang a. A hnuaia mite hi kum kalta leh kum kal meka Mamit District hmasawnna a tarlan langsar zualte an ni:
Agriculture Department: Agriculture Department hnuaiah khaw 27-a lo neitu mi 439 hnenah Oil Palm tiak 60,114 sem chhuah a ni a, kumin chhungin buh thar chhuah 5,162 metric tones beisei a ni.
DRDA: Ni 100 inhlawhna NREGS hmangin chhungkua 18,179 te hnenah tun dinhmunah ni 65 inhlawhna pek vek a ni tawh a, Hmeithai insak (IAY) tanpuina hmangin chhungkaw 432 te In sak sak a ni tawh. NLUP hmanga mirethei khai chhuahna tur programme duanah kum 2011-12-ah 2nd Phase atan Mamit District chhungah chhungkaw 3950 te hnenah pek leh tum a ni.
Education: Darlak, Mamit leh Rajiv Nagar-ah High School pathum(3) sak a ni a, MSDP hnuaiah Additional Class Room 23 sak mek niin, Girls Hostel 7 leh Primary School 2 sak tura ruahman a ni.
Health:
Hriselna lamah Revised National Control Programme hnuaiah Multi Drugs Resistant (MDR) T.B. vei te tan a thlawnin `2,00,000 chuang man District-ah dawn a ni a, District Blindness Control Society-in chak zawka hma a lak theih nan Mobile Van thar ` 12,00,000 man neih thar a ni.
PWD: Mamit to Bairabi inkar kawng thawm that hnathawh mek chu 31.3.2012 hian zawh hman beisei a ni a, District chhungah kawng siam that hna thawh zawh tawh leh thawh mek engemaw zat a awm.
ah & Vety: Kum 2011 chhungin Artui 21929 tharchhuah a ni a, chhiahah `180493 chhun a ni.
Excise & Carcotics: MLTP Act leh ME Act hmangin 2011-2012 chhungin mi 313 man an ni a, Case 276 registered a ni.
Fishery: FFDA hmalaknain kum 2011-2012 chhung hian chhungkaw 162 hnenah Sangha dil chei thatna pek an ni a, chhungkaw 25 hnenah Dil khuahna tur `39.48 lakhs sem chhuah a ni.
forest: 2011-2012 chhung hian Mamit Forest Division chuan Scheme hrang hrang hnuaiah Thingphun hna a thawk a, Plantation hlui 480 Ha. a zau enkawl zui a ni bawk.
Mamit College: 2011-2012 Academic Session-ah zirlai 90 an awm a, UCC, NERO Guwahati bultumin Women’s Hostel leh Volleyball Court te sak zawh tawh a ni.
Industry: NLUP hnuaiah chhungkaw 450 hnenah Auto Rickshaw trade tih loh chu 1st Installment pek tawh an ni a, Industrial Estate/Parks atan Tuidam, Zawlnuam, Rawpuichhip leh West Phailengah te ram enfiah tawh a ni.
I&PR: Office building chhawng hnih, Conference Hall awm tel tur `72.32 lakhs man sak tan mek a ni.
KVI: 2011-2012 hian mi 3 te hnenah Margin Money `31500 theuh pek an ni tawh a, sawrkar kum ral hma ngeiin mi 12 te hnenah pek leh hman tum a ni.
Law & Judicial: District Court building sak mek chu 97% zah a ni tawh.
PHE: Mamit WATSAN Div. chuan a hnuaia khaw 11 ah Tui lak hna a thawk mek a, khaw 55 tan Individual Latrines 1238 sem mek niin, vantlang inthiarna hmun 5 ah siam belh tum a ni.
P&E: Bairabi leh Zamuang inkarah 25 Kms-a sei 33 KV Line thawmthat a ni a, RGGVY hnuaiah Electric luh lohna khua a pek tum zingah khaw 5 zawh tawh a ni.
Renenue: 2011-2012-a chhiah chi hrang hrang hmuh tura beisei `1000000/- a nih laiin `1197150 hmu in, target `197150-in an khum a, Mamit House Site Plan chu sem theih tura hmalak mek a ni.
Sericulture: Loneitu mi 70 hnenah NLUP sem a ni a, Allied link road, DRDA puihnain hmun 2-ah ruahmanna siam a ni.
supply: 2011 khan PDS kaltlangin Buhfai subsidised rate-in APL chhungkuate hnenah 100484.20 quintals sem a ni. Kum kal lai mekah buaina awm lovin, tunah hian Godown lian `45 lakhs man sak mek a ni.
Treasury: Govt. Account felfai leh rintlak takin a vawng mek a, revenue tihpunna’n Department Cashier te Security Deposit dahtir vek tum a ni.
Taxation: Chhiah chi hrang hrang atangin `5026044 lai sawrkar-ah chhunluh a ni.
transport: 2011-2012 thlengin Motor 345 registered a ni a, road tax leh passenger & goods tax atangin `1910616 hmuh a ni. Driving leh Learner License hi 1215 registered a ni.
LAD/UD&PA: Kumin chhungin License fee etc atangin `13680 hmuhchhuah ni tawhin, Govt. revenue receipt-ah thunluh a ni.
Heng bakah hian NLUP atangin kum 2010-2011 chhungin beneficiaries 3873 thlan tawh atangin Line Department ten pawisa an pekchhuah tawhah; Agriculture= 1st & 2nd Installment, Horticulture Deptt= 1st & 2nd Installment, Sericulture=1st, 2nd & 3rd Installment, Fisheries= 1st Installment, AH&Vety= 1st & 2nd Installment, Environment & Forest= 1st, 2nd & 3rd Installment a ni a. Kum 2011-2012-ah 2nd phase atan hetiang hian beneficiaries chhungkaw zat pekchhuah leh tum a ni; Hachhek A/C= 1150 Nos., Dampa A/C= 1300 Nos., Mamit A/C= 1500 Nos.
District MJA inthlang...:
** Mizoram Journalists’ Association (MJA), Mamit District chuan nimin tlai khan an Treasurer Pu PC Lalthanzuala In, Mamit Bazar vengah Executive Meeting neiin, kum 2 chhung atana an pawl hruaitu tur an thlang nghal.
An President Pu H.Lalramliana kaihhruai MJA Mamit District Meeting hian hma thar lakna tur chi hrang hrang duangin, sawrkar hmalakna enfiah leh zirchian kawngah nasa zawka hma lak nise an ti a, thla thar tira Saiha-a Journalist Workshop neih turah Member 5 aia tlem lo intirh nise, Kolasib Dist. MJA te nen Bairabi-ah Joint Meeting neiha Bairabi Road leh Lei dawh mekte enho nise tiin, vawiin tlai hian Annual Meeting neih nise an ti a ni.
Kum 2012-2013 Mamit Dist. MJA hruaitute:
President- Pu PC Lalthanzuala, Lentupui
V/President-Pu Lalhlupuia, Zolamtluang
Treasurer- Pu H.Lalramliana, Mamit Times
Gen.Secretary-Tv. R.Lalmuanpuia, Zotlang Lentu
Asst.Secy- Pu Lalchunglura Palian, DDK

Comments

Popular posts from this blog

Lirthei 1712 Registered

B.TEII HOVIN INDIA TEAM