23/1/2012 LENTUPUI...:

Tahrik Ni 23/Pawlkut Thla/Kum 2012:
@ Thisen pek Unit 238:
Nikum (2011) khan Medical Department/Mamit Damdawi In chuan a thlaw -nin Thisen Unit 238 a dawng a, tlawmngaia pek Unit 179, mimal pek Unit 35, leh rikrum thila pek Unit 24 an ni.
He thu hi ningania Mamit Chhim Veng YMA Hall-a Training of Blood Donation Donors neihnaah tarlan a ni a, Dr. Vanlalfela, Senior Medical Officer, Mamit kaihhruai he training-ah hian Dr. Lalhmunmawii, Blood Bank Officer, Mamit chuan kum 2011 chhunga Mamit Damdawi In dinhmun tlangpui report pe in, Blood Donation Camp 10 neih a ni a, Damdawi Inah 6, hmundangah 4 neih niin, tlawmngaia pek Unit 179, mimal pek 35, rikrum thila pek 24, a vaiin unit 238 thisen pek/dawn a ni, a ti. Thisen hi June leh July thla hian Malaria hluar hun a nih avangin mamawhna a sang bik a, Unit 50 vel mamawh thin ang a ni, a ti bawk.
He hun rawn hmanpuitu Dr. Eric Zomawia, Project Director, MSACS chuan, ‘Mizoram pumah nikum 2011 April thla atanga December thla chhung khan a mamawhtute tan a thlawna thisen pek ‘Voluntary Blood Donation’ 90 % a ni a, Mamit District-ah 84 % a ni, a ti.
Training-ah hian Pu Ronghakliana Chhangte, AVBD, Mamit District President-in District hmalakna hrang hrang report pe in, training-ah hian Tlawmngai Pawl hrang hrang leh chanchinbu mite an tel a ni.

@ Thilpek hlan tur mi 50 vel!:
Kumin India Republic Day lawmna, Mamit Khelmuala neih tur atan inpuahchahna kalpui chhoh zel a ni a. Khawpui chhung zirlai naupangte pawhin zingkarah Mamit Khelmualah March Pass zirin, tukin hian Final Rehearshal (Enchhin tawpna) an nei ang.
Kumin hian Unarmed Contingent (Sikul Naupang) 9 leh Armed Contingent (4th IR Bn) 1, an vaiin March Pass Contingent 10 an awm dawn a, SSA Pipe Band, Govt. M/S-II te’n Hnam Hla an rem ang. Khuallian tur hi hriat ala ni lova, Aizawl lam atanga rawn kal an awm loh chuan Mamit DC Pu Rodney L.Ralte, IAS chu Hnam Puanzar pawtpharhtu (Khuallian) tur niin, khuallian hian Mamit Damdawi In a tlawh anga, Tourists Lodge-ah ‘At Home’ a buatsaih bawk dawn a ni.
Kumin Mamita Republic Day lawmnaah hian Infiamna (Sports) emaw, Thu leh Hla (Literature), Field/Discipline dang danga Sawrkar-in National emaw State Level-a Award a pek, Mamit District chhunga mite chawimawina thilpek hlan tum a ni a, Infiamna (Sports) bikah hian National Level-a Gold (1-na) hnenah `2000/-, Silver latu hnenah `1500/- leh Bronze Medal latute hnenah `1000/- pek a ni dawn a, State Level-a Gold Medal la te hnenah `1000/- pek tum a ni.
Infiamna huang atanga lawmpuina hlan tur hi mi 50 vel zet an awm thei dawn niin thu dawn a ni a, thildang a\anga thilpek hlan tur zat erawh hriat mai theih a la ni lova, an zavai hian nikum (2011)-a State leh National Level-a Medal/Award la te an ni dawn a ni.
Republic Day Ni (tunkar Ningani) hian zing nichhuah (zing dar 6:00) atanga tlai ni tlak (dar 5:00) thleng Sawrkar leh mimal (a thei apiang) Inahte National Flag (Hnam Puanzar) zar a ni anga, ram hruaitute puala \awng\ai sakna nei turin Kohhran tinte ngen an ni bawk.

@ BIAL CONFERENCE:
Zirtawp zan a\ang khan Mizoram hmundang rualin Mamit leh Hmun sam Pastor bial K|P (Kristian |ha lai Pawl) te chuan ‘Bial Conference’ hmangin, nizan khan an \iak. Hmunsam bial hian Lungsir Koh hranah hmangin, Mamit bial hian Dinthar Koh hran ah an hmang a ni.

@ SIAM THA:
Zirtawpni khan Dintharah P&E Dept-in Transformer an siam that avangin Ma mit khawpuiin nilengin Po -wer Supply (Current) a nei lova, Current hmanga hna thawktute, ni lenga hna an thawh theih loh avangin an buai hle.
@ BIALTU MLA HOVIN:
Thla thara Village Council inthlanna neih tur atana inpuahchahna chi khat atan naktuk hian Chhimveng YMA Hall, Mamitah rorel lai Congress Party chuan Mamit bialtu MLA John Rotluangliana hovin Inkhawmpui an hmang dawn a. Hetah hian Mamit Block bakah Mamit Constituency-a Congress Block leh Unit hruaitute chu tel ngei tura tih niin, hmalak dan tur leh an Party dinhmun thlirhona hun an hmang dawn a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM