Posts

Showing posts from January 13, 2011

Mamitah Lo neih tum an tlem!!

Kumin atana Mamit khawpui chhung kuthnathawktu, Lo neih tumte chuan an Lo neihna tur Number pawtin, an thlang fel tawh a. Kumin hian khawpui chhungah Lo neih tum mi 70 vel chauh an awm.
Kumin hian Jt.VC chuan Lo atan chhim lamah Chamdur, Thingkhuang ram leh Hmarlamah Suangkuang, Raltezau, Behliang, Vanhnuaiabawk, etc. te thehin, tunhnai khan Mamit khawpui chhunga Lo neih tumte kokhawmin Lo Number an pawh tir a, kumina Lo Number pawt, Lo neih tum hi kumdang aiin an tlem fal takzet niin Pu Lalhlupuia, Chairman, Jt.VC Mamit chuan a sawi a, a kum telin Mamit leh Mizoram chhung hmundangah Mizo Lo neih/Tlangram Lo neih dan kan kal san telh telh niin a sawi bawk.

Sikul Lut Tan

Dt.13.1.11:School Calendar angin nimin atang khan Mizoram hmundang rualin Mamit khawpui leh District chhung khaw hrang hranga zirlaite chuan School an lut tan a. 2011 Session atan Mamit khawpui chhunga zirlai naupang, Pawl khat (1) atanga Pawl sawmpahnih (12) zir turte chuan School an kal tan.

2011 Academic Session tan Ni atan Education Department-in a lo ruahman sa angin nimin khan Mizoram chhung khaw hrang hranga zirna In te chu hawn tan a ni a. Nimin hi Registration tihna’n leh hming dahna’n hmangin, pawl khat atanga pawl 12 (KG, Primary, Middle, High School, Higher Secondary School) zirlai naupangte mahni School luhna tur theuhah an kai hlawm a, a tan Ni anih avangin zirlaibu chhung zirna’n an la hmang lova, kal phung inhrilhhriatna leh inhmelhriat tawn na hun atan an hmang hlawm a ni.

Nimin hian Ma -mit khawpui chhung leh District chhung zirna In te hawn vek an ni a, sawrkar Scho -ol bakah Private School te pawhin Sawrkar Calendar hi tawmpuiin, nimin atang hian School an kai tan a…