Mamit District Thuthar (14/12/11)


Tahrik Ni 14/Pawltlak thla/kum 2011:
MZP-in Dem:
mamit:Mizo Zirlai Pawl (MZP) Hqrs. Mamit chuan Thawhlehni khan Mamit leh Bairabi inkar kawng Black top hna thawh mek, a hmunah kalin an enfiah a. Thuchhuah an siamah Mamit MZP te chuan, hnathawktu (Contractor) pakhat zawk, ram leilung fa zawkin phuailuai taka hna a kalpui chu inpawngsualna ang hiala an ngaih thu an sawi a, Mamit District mipuite hmuhsitna anga an ngaih thu an tarlang!.
Tun thawhtanni khan MZP hruaitute hian Bairabi kawng siam mek hi a hmunah tlawhin, Group II leh III thawktu Gulgulia Company, Silchar chu a hna a tha thawkhat a, hetihlai hian, ram leilung fa zawk, Group I thawktu H.Thang zova chuan phuailuai taka hna kal puiin hmun thenkhat lai phei chu Black Top a ni tih pawh hriat loh khawpa chhiain a phut chhe leh tawh’ an ti a, ‘Mamit District leilung hi sum siamna ang leka hman hi engti kawng zawng mah in kan phal ngai dawn lo’ tiin, ‘hetiang khawpa chhiaa District gol den road inpawngsual sak hi rilru a na a, Mamit District mipuite hmuhsitna leh zah lohnaah MZP Hqrs. Mamit chuan a ngai a ni’ an ti a ni.
Mamit to Bairabi Road Blacktop hna thawh mek hi 36 km-a thui niin, Group 3-ah then a ni a, Group I (12km) hi Contractor H.Thangzova, Aizawl Tuikualin thawkin, Group II leh III (24 km) te hi Poonam, Gulgulia Company neitu Silchar-in a thawk thung. Group II leh III thawktu hian nakum 2012 April thla ralhma chuan thawh zawh an inbeisei tih MZP te hi lo hrilhin, an hna pawh a tha thaw khat niin MZP hruaitute hian an sawi a, ‘Mamit to Bairabi Road hi Mamit District mai ni lovin Mizoram hma sawnna luhkapui pawimawh tak a la nih dawn avangin rintlak leh hlawh hmu tlaka hna thawk turin Contractor te, MZP Hqrs. Mamit chuan a ngen takzet a ni’ tiin an thuchhuahah hian an tarlang a ni.
      Hetihlai hian, Ma -mit MZP hruaitute hian thawhtanni vek khan Mamit lam atanga Bai rabi luhna Kai/Lei (Bridge) dawh mek pawh tlawh nghalin, chak zawka kalpui a nih theihna’n Work Manager an titi pui a, hna thawh zawh hun tura tih 2012 Dec. Ni 12 ral hma ngeia thawh zawh tum turin an hrilh a ni.           He Tlawng Lei dawh hna hi ABCI Company-in thawkin, 2008 khan Work Order tihchhuah a ni a, nakum Dec. thla ral hmaa thawh zawh tura tih ani.

Free Clinic:
mamit: Samaritan Society of Mizoram, Mamit District leh Health Department, Mamit tangdun chuan tunlai hian District chhung khaw thenkhatah a thlawna inentirna “Free Clinic” an buatsaih mek a, HIV test an nei nghal bawk.
Inrinni khan Bawngva (Bawngva khaw hlui zawk) ah  ‘Free Cli nic’ hi zu buatsaihin, mipuite hriselna an endik sak bakah a thlawnin Damdawi an sem nghal a. Mi 100 bawr vel rawn inentirin, HIV/AIDS chungchangah mi 34 te thisen endik sak bawk.
Damlo endik tur hian Mamit a\angin Dr.Ralkapzawna bakah Technician te leh Samaritan-a thawkte Bawngvaah hian an zu kal a. Nimin khan Saikhawthlirah kal lehin, a thlawna inentirna hi an buatsaih leh a. Saikhawthlirah hian mi 105 rawn inentirin, HIV/AIDS chungchangah mi 35 te thisen an endik (Test) sak a. Health Department atangin Dr.Hmingthansanga, Ayush leh Staff te, Samaritan Councellor leh Out Reach Worker te an thawkchhuak a ni.
Thu dawnnain a sawi danin, heng khaw pahniha inentirte hi a tlangpuiin natna khirh leh hlauhawm kai an ni hlawm lova, tlang hrileng satliah mai deuh hlir niin, HIV positive an awm lo niin thu dawn a ni.
Hetihlai hian, Samaritan Society of Mizoram, Mamit District te hian naktuk hian Mamit khawpui chhung veng hrang hranga khawsak harsa zual thlanchhuahte hnenah Thawmhnaw an sem dawn a, Chhimveng YMA Hall-ah YMA te nena tanghovin 2nd Hand Thawmhnaw hi an hlan dawn a ni.


Mamitin Quarter Final lut!:
mamit: Dec.Ni 1 atanga Aizawla khelh chhoh mek MFA Inter Village Under 17 Football Tournament-ah Mamit Jt.VC Team te chuan nimin khan 3-2-a Republic Vengthlang hnehin, Quarter Final (thiam zual 8) an inhlangkai!.
Mamit Jt.VC team te hian inrinni khan an match 3-na atan Vaivakawn Jt.YMA Field-ah 2-1-a Luangmual hnehin, Pre Quarter Final (a thiam zual 16) an inhlangkai a, nimin khan Ramhlun Sports Complex-ah Republic Vengthlang khel lehin, 3-2-in an hneh zui lehnghal a, Quarter Final an lut ta a ni.
Quarter Final-ah naktuk hian Ramhlun Sports Complex-ah Aizawl Venglai khel leh in, hnehna an cha -ng leh a nih chuan Semi Final an lut tawh dawn a ni.
Mamit hian an khelh hmasak berah 4-3-a Puilo VC hnehin, an match 2-naah 2-0-in Armed Veng ‘S’ an hneh leh a, an match 3-naah 2-1-a Luangmual hnehin, an match 4-naah nimin khan hnehna an chang zui leh a ni. 
Tun thlengin Mamit hian Goal 11 thun tawhin, Goal 5 an chhuah ve tawh a. Mizoram chhung khua/VC 144 atang in a thiam zual 8 zing ah an awm tawh ani
Aizawla Mamit leh Mamit khawchhuakte an beisei laiin Mamit hian \an tu, lo au phurtu (mi pui) an nei lo hle!.

4-naah Mamit District:
mamit: Kumin March thla a\anga September thla thleng khan Mamit Distict chhungah Naupiang 1000 zelah nausen 18 thi ang a ni a. Mizoram chhung District hrang hrangah a \ha lam zawnga chhutin pali (4)-na a ni!.
Tunhnaia Mamit District khaw pahniha sorkar hmalakna chi hrang  hrang puanzarna beihpui Bharat Nirman Information Campaign neih zawh takah hemi chungchang hi tarlan a ni a. Dr Lalfakzuala Renthlei MO, RCH Aizawlin Technical Session-a a tarlan danin, Mamit District-ah hian NR HM hnuaia hmalakna kalpui zel a ni a, hemi avang hian Nausen thihna tlahniam hret hretin, kumin March thla atanga September thla, thla 7 chhunga Nausen thi zat pawh a sang em em lem lova, Nausen piang hlim thihna chungchangah hian Mamit District hi a \ha lam zawnga chhutin Mizoram District 9-ah 4-naah a awm a ni.


NRHM hnuaiah Mizoram hi Dictrict 9 anga thendarh a ni a, hei hi a chhan chu Aizawl bik hi  E leh West-a then an nih vang niin, heng District 9 zingah hian  Mamit district hi nausen thihna tlem ber 4-na a ni.

Comments

Popular posts from this blog

B.TEII HOVIN INDIA TEAM

Vawiin Lentupui...