Dt.9/12/2011 LENTUPUI Issue...


Thlamah thi-in hmu:
Tahrik Ni 9/Pawl Tlak Thla:
Mamit: Pu Z.Lal nunthara(Pu Maila), Mamit Mizo Veng chu nimin tlai khan Mamit tlaklam, Tuidai lui bul/kama a Thlámah thi-in hmuh a ni a, nizan khan tlaivarpui niin, vawiin chawhma hian Mizo Veng Thlanmualah vuiliam a ni ang.
Pu Maila (k 58) ruang hi nimin tlai khan a Huan bula feh ve tho a thiante’n Thlam chhungah va hmu in, a lo khawng vek tawh a, a taksaah kutthlakna hnuhma a awm lova, midang kut tuara thi a nih a rinawm loh niin thu dawn a ni. 
A ruang awmna ah hian Police te pawh reiloteah thleng thla nghalin, tih tur tul ang angte tiin tukin hian Mamit Damdawi Inah Postmortem tura tih a ni.
Thudawnnain a sawi danin, Pu Maila thihna chungchangah hian han rinhlelh tur ang emaw, mi kut tuara thi a nih rinna tur awm ang a awm lova, amah hi pa \ha tak, mi pawisawi ngai lo tak niin, a chhungte pawhin hetiang thil tih duhna khawp hiala inhuatna a neihpui awm ang an hre lo a ni.
Amah hi kuthna thawkmi niin, taksa hrisel lohna eng eng emaw a nei thin a, a thih chhan erawh chiang faka puh tur a vang hle. A ruang hi nizan khan tlaivarpui niin, vawiin chhun hian Mizo Veng Thlanmual ah vuiliam a ni ang.

1st tennis ranking tournament:
Tahrik Ni 9/Pawl Tlak Thla:
Mamit: Tunlai hian Mamit Tennis Court-ah Mamit Tennis Club buatsaihin “1st Ranking Tournament” khelh mek a ni a, naktuk hian zawh fel a ni ang.
Mamit leh District anga Tennis Tournament buatsaih hmasak ber he Ranking Tournament hi tunkar thawhlehni a\ang khan khelh \an niin, Mipa tan chauha tih a ni a. Category hrang hrang; Mens Single, Mens Doubles leh Veteran-ah te inel in, Player 20 vel an tel a ni.
Ruahman dan chuan naktuk (Inrinni) hian zawh fel tum a ni a, Category tinah hian Pakhatna (Champion)-in tangkafai `1000.00/- dawngin, tunlai hian zing a\angin, chhun lamah nen nilengin an khel \hin a ni.

4-3-in Mamit jt.vc Chak:
Tahrik Ni 9/Pawl Tlak Thla:
Mamit: Aizawl khawpui chhung Khelmual hrang hranga khelh chhoh mek “MFA Inter Village Under 17 Football Tournament, 2011”-ah Nilaini khan Mamit Joint VC Team chuan Goal 4-3-a Puilo VC hnehin, vawiin hian Armed Veng South an tum leh ang.
Dec. Ni 1 a\anga khelh \an, Mizoram pum huap Under 17 Football Tournament-ah hian Mamit Joint VC Team te hi Group B-ah awmin, an khelh (Match) hmasak berah Nilaini khan 4-3-in Puilo an hneh a. Vaivakawn Jt.YMA Field-a hemite pahnih inkhel hi an inhnehtawk hle a, 3-3-a an inhnehtawk dawn emaw tih hnuah hun tawp dawn \epin Mamit lam hian Goal 1 an thunbelh leh hlauh mai a, harsa takin hnehna an chang ta hram a ni.
Mamit Jt.VC Team te hi Group B-ah awmin, an bye a, Puilo leh Tualte inkhela a chak zawk zawk khel tur an nih laiin Tualte hi an rawn inlan tak loh avangin Puilo hi chaka puan an ni a, Nilaini hian Mamit nen hian an inkhel ta a ni.
Vawiin chhun dar 12:00 hian Vaivakawn Field-ah vek Mamit Jt.VC Team hian Aizawl khawpui chhunga mi Armed Veng South an khel leh dawn a, hnehna an chang a nih chuan an Group/Pool a\anga 2nd round lut turin beiseiawm ber an ni tawh dawn a ni.

One day chess tournament:
Tahrik Ni 9/Pawl Tlak Thla:
Mamit: Tunkar thawhlehni khan Lungsir vengah One Day Chess Competition/Tournament khelh a ni a, nakum January thlaah District pum huapin buatsaih tum a ni.
Thawhlehnia Mamit khawpui chhung tana Ni khat awh Chess Tournament hi PWD Canteen, Lungsir vengah neiin, veng hrang hrang a\angin Chess khelthiam \hahnem tak an tel a. Thudawnnain a sawi danin, District Chess Association chuan nakum kumthar tirah khian Mamitah District pum huapin Chess Tournament buatsaih an tum a, hemi rual hian hruaitu thar thlang nghalin, Mizoram sawrkar-in ‘Catch Them Young’ a kalpui mek bawhzuina’n Junior Category pawh telh tum a ni a, thawhlehnia Local Tournament-ah pawh hian \um danga telh ngai lem loh Junior Category  telhin, naupang 9 lai an inel a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM