Deptt. Danga Mi Kan Pawt Peng lo-John-a

Tahrik ni 12/Pawl Tlak Thla/Kum 2011:
Pu John Rotluangliana, Mamit bialtu MLA chuan ‘NLUP sum hi pawh hek theih a ni lo, department hrang hrang a\angin an pawtkhawm, te an ti a, kan pawt lo, NLUP pawisa tur hi Central a\angin a lokal a, kan budget bu-ah khan a lang vek’ a ti.
A bialchhung khaw hrang hrang tlawha zin Pu John Rotluangliana, Dy.Speaker chuan mipuite hmaa a thusawiah NLUP hlawhtlin leh hlawhtlin loh chu a dawngtute kuta innghat a nih thu a sawi a, Congress Party mi leh sate chauhvin NLUP an dawng anga sawi chu ‘dáwt’ a nih thu sawiin, a dawng tlaka ngaihte chuan an dawn vek dawn thu a sawi.
Dy.Speaker chuan NLUP sum chungchangah ‘department hrang hrang a\angin an pawtkhawm, te an ti a, kan pawt lo, NLUP pawisa tur hi Central a\angin a lokal a, kan budget bu-ah khan a lang vek, pawisa hian kalkawng a nei a, NLUP pawisa tur hi department dangah pawhpen theih pawh a ni bawk lo...’ a ti a, zirtirtu \henkhatin hlawh an lak theih lohna chhan chu MNF Sawrkar-in an term tawp dawn \epa Sikul 300 chuang zet, khawiah mah Plan pawh awm chuang lova an lo deficit ringawt vang ni a sawiin, ‘heng zirtirtute hlawh hi kan ba ral dawn lo, kan pe vek dawn!’ a ti bawk.
Mamit bialtu MLA hian khaw hrang hranga a thusawiah kawng hrang hranga beih a tawh chungchangah Chief Minister thlavang hauhsakin, nakum maia VC inthlanna neih turah Congress Party mi, amah leh sawrkar-in a thawhpui theih tur chi thlang thiam turin a chah a, Bru te chu khua leh tui \ha tak ni tura chahin, khaw hrang hrang a tlawhte hnenah a MLA Fund a\angin pawisa ngengemawzat a hlan \heuh a ni.
Pu John-a hian Nilaini a\anga zirtawpni thleng khan a bialchhung khaw hrang hrang; Khawhnai, Teirei Forest, Damparengpui, Tuipuibari, Rajiv Nagar, Khantlang, Andermanik, Tuirum leh Dapchhuah te tlawhin, a zinnaah hian a nupui Pi Vanlalhruaii’n a \awiawm a, Mamit a\angin DC Pu Rodney L. Ralte, IAS leh Department head \henkhatte’n an tawiawm bawk a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM