MAMIT TRAFFIC RECORD:


Tarik Ni 23/Sahmulphah Thla/Kum 2011:
Mamit Traffic Police te chuan kumin July thla a\anga thla hlui October thla (November thla kal lai tiamin) chhung khan Traffic Rule bawhchhia Mi 86 manin, heng mite pawisa chawi (Fine) tlingkhawm chu `22200/- a ni.
Pu Zoramsanga, Mamit Traffic O/C hnen a\anga thu kan dawn danin, Mamit Traffic Police te hian thla 4 (July to October) chhung khan Mamit khawpui chhungah Dan bawhchhia 83 awmin, tun thla kal lai mekah pawh Dan bawhchhia 3 (Bike, Scooty leh LPK) an awm leh tawh a, hemi nen hian Mi 86 an ni. 
A thla malin (No vember tel lovin) July thlaah Traffic Rule bawhchhia tam berin, pawisa chawi (`6300) pawh a tam ber thla a ni a, thla hlui October-ah khan tlem berin, Pawisa chawi zat erawh a tam ber dawttu (`5300) a ni lawi a, fine tlem ber thla chu September thla kha niin, `4900/- a ni a, hemi thla hian mihring erawh an tam ber dawttu thla (23) a ni thung.
Heng Traffic Rules bawhchhia/zawm lote pawisa chawi tlingkhawm hi `22200/- niin, July thla khan `6300/- a tling pha a, a tlem ber \um September thlaah `4900/- niin, thla kal lai mek November-ah hian fine hi `600/- a tling leh tawh bawk a ni.
Traffic O/C Pu Masanga chuan, an Branch-ah amah leh H.C pakhat bakah Constable 5 an awm mek thu sawiin, Constable pakhat hi Hmeichhia a ni, a ti. S.P rawtna angin tunah chuan ngaihhnathiamna sang tak nen an la kal rih thu, O/C chuan sawiin, Krismas bawr chho vel ah chuan khauh zawk leh Dan ang thlapa kal an tum tawh thu a sawi a, Mamitah chuan khawpui dangte anga khauh taka Dan kenkawh a la harsat rih thu LENTUPUI a hrilh bawk

Comments

Popular posts from this blog

Lirthei 1712 Registered

B.TEII HOVIN INDIA TEAM