Infiama: I-Leaque-ah 8-1, 5-0 te..!:
Tarik Ni 24/Sahm,ulphah Thla/Kum 2011:
I-Leaque-ah nimin tlai khan a thenin goal 8, goal 5 te an thun laiin, goal khatmah thun ve lo te an awm a, si 5 phur leh si 6 phur te pawh an awm!.
Nimin tlai hian I-Leaque match 4 awm lehin, Pathianni tlaia Kolkata Derby-a tlawm zo hlim hlawt, Robert Lalthlamuana Club East Bengal-in midang lakah phuba an la a, hnehna la chang ve miah lo HAL Bangalore goal-ah goal 8 tehmeuh mai ti goal-in, vanneiha siamin HAL hian goal 1 chu an nei ve.
Hetihlai hian, hneh loh la nei miah lo Dempo-in North East Club tha, Mizo tlangval rual inkulhna Shillong Lajong an sawp nasa hle bawk. Lajong hian hun pumin goal khatmah an tih luh theih loh laiin Dempo hian goal 5 tehmeuh mai an ti lut a, insawp ve tak chu an ni.
Nimin tlai inkhel dangah Kolkata Derby-a East Bengal hneh zo hlim hlawt Mohun Bagan chu a tlawm zawkah an tang ve leh thung a. Prayag United khela an chhuah pheinaah goal 2 va thunin, goal 3 an chhuah thung. Mumbai FC-in Sporting Club de Goa an hneh a, goal 2 goal 1-in point 3 an hmuh belh. Vawiin tlai hian Churchill Brothers leh Salgaocar SC, Air India leh Pune FC, Pailan Arrows leh Chirag United Club Kerala te an intum ang.

Table:
Dempo=21
Mohun Bagan=15
East Bengal=13
Prayag United=13
Churchill Brothers SC=13
Sporting Clube de Goa=12
Air India=10
Shillong Lajong FC=8
Salgaocar SC=7
Mumbai FC=6
Pune FC=5
Chirag United =3
Pailan Arrows=2
HAL Bangalore=1
(Match 6, 7 an khel tawh)

Comments

Popular posts from this blog

Lirthei 1712 Registered

B.TEII HOVIN INDIA TEAM