Dist. Huapin NRHM Zirhona
Tahrik Ni 25/Sahmulphah Thla/ 2011:
Nimin khan Mamit DC Conference Hall-ah thingtlang mite hriselna atana sorkar laipui ruahmanna siam National Rural Health Mission (NRHM) chung chang inhrilhhriatna neih a ni.
Nimina NRHM/RCH chungchang zirhonaah hian Mi thiam te’n NRHM/RCH chungchang chipchiar taka zirtirin, Nu, nau chunga thihna ti kiam tur leh Nausen hriselna atana Department hmalakna chauhin awmzia a neih loh thu leh mipuite nena \anrual a ngaih thu tarlan ani
He Awareness Campaign cum Sensitization Wo -rkshop on NRHM/RCH Programme etc., Reproductive & Child Health, Health & Family Welfare Department buatsaihah hian Mamit khawpui chhung leh District chhung khaw hrang hrang VC te leh MHIP hruaitu, \hahnem tak telin, Pu A.Biak lawma, Addl.DC-in a kaihruai a, Aizawl lam a\anga rawn kal Dr.Gordon Zohmingthanga, Mission Director, NRHM, Dr.R.Lalthanga, Programme Officer, RCH leh Dr.Chaw -ngthansiami, CMO, Mamit District te’n a lem nen zirtirna an pe a ni.
Dr.Chawngthan siami chuan, a hma chuan kan district hi Nau chunga thihna leh kum khat tlin hmaa nausen thihna chungchangah hian a hniam ber zinga mi kan ni thin a, tunah chuan nasa taka hma kan lak avangin a chhe pawl ni tawh lovin, a laihawlah kan awm tawh a ni, a ti.
Dr.Gordon chuan, NRHM-in a tum ber chu thing tlangmite’na an ban phaka hriselna atana pawimawh pek a ni’ tiin, hemi ti hlawhtling tur hian keini Deptt. lam chauh hian kan ti seng tawh lova, a staff pawh kan indaih tawh lo, ram changkang zawka an tihdan angin mipuite hian an kutah hriselna hi la ve tawh rawh se tih hi kan tum a ni, a ti.
NRHM atan hian Central-in sum tam tak a rawn pe a, he sum/hmalakna hian a kilkhawr ber thlengin a thleng tur a ni tih a ni tawp mai a ni, kristian ni ve miah lotena hriselna programme tha em em mai, a kil khawr ber leh rethei berte thleng phak an rawn siamchhuak hi chu a mak hial zawk a ni, a ti bawk.
NRHM hnuaiah vek hian Nau nei tur hrim hrim chu damdawi Ina an neihna tura an kal man te, an haw lehna man tur te, an mamawh ei leh in, damdawi man, etc, khang ang zawng zawng thleng khan tumsak an ni dawn a, chu chu central-in tih turin a rawn tichhuak leh tawh a, tin, nausen, kum 1 la tling lote chu an damloh chuan dam dawi man leh senso zawng zawng tum sak leh vek turin programme a rawn duang leh tawh bawk, Damdawi In pan theih loh chhuanlama pawisa kan nei lo kal ngaihna a awm lo ti a retheihna avanga nausen leh a hringtunute thihna umbona’n JSSK Prog. a rawnchhuak leh tawh bawk a, hei hian hmundanga refer te senso thlengin a huam dawn a ni, a ti bawk.

Comments

Popular posts from this blog

Lirthei 1712 Registered

B.TEII HOVIN INDIA TEAM