Mamit District-in Gold 2, Bronze 4

Dt.01/04/11:
Thawhlehni atanga Aizawl Ramhlun Sports Complex-a tan “8TH INTER-DISTRICT BOXING CHAMPIONSHIP” ah Mamit District aiawha tel Boxer 29 te chuan Gold Medal 2 leh Bronze Medal 4 la tawhin, Gold a nih loh vek pawhin, chak loh pawha Silver Medal la ngei ngei turin FINAL khel tur mi 9 an awm bawk!.

Mizoram chhung District 8 te’n Boxing hmanga an inelna he Championship-ah hian Mamit District aiawhin mi 29 (Mipa 24, Hmeichhia 5) zet an thawkchhuak a, vawiin tlaia Final khelh zawha khar turah hian Mamit District hian Gold Mebal 2 leh Bronze 4 nei tawhin, Final khelh hmabak 9 an la nei bawk.
Mamit District Boxing Association (MDBA) President Pu KV Lallianzuala chuan vawiin tlaia Final khel tur an naute zingah beiseiawm tak tak an la awm thu sawiin, ‘Gold Medal 6,7 vel chu kan neih belh leh ngei kan ring’ a ti. MDBA President chuan he Championship-ah hian District an kal kim thu sawiin, “Aizawl District hi a tama tam ngang an ni a, boxer pawh sawmnga rual vel zet an neih avangin Category hrang hrangah an inlan kim vek bawk si a, Team champion tura rin an hlawh deuh ber lo thei lova, chuti tih lohah chuan Aizawl dawtah chuan Mamit District hi min beisei ber kan ni’ a ti. Pu Lianzuala chuan ‘heti zat Boxer hruai theia kan awmna chhan hi kan sawrkar leh khawtlang hruaitute thawh rah a ni a, min tuipui a, Mamitah ngei Boxing Ring te, a Hall te leh a hmanrua te, min rawn chhawpchhuahsak a, kan hotute thawhrah hi Boxing lama tuimite chuan kan chhawr takzet a ni, kan lawm takzet zet a ni’ tiin a sawi bawk.

Comments

  1. Anonymous5:14 AM

    Mamit news hriattna tur dang internet-ah a awm lo, lentupui daily hian tan han la tak tak teh u, nangni lo i chu Mamit dist-ah hian han ti thei an awm tak tak lo a nih hi...kan lo ngaichang zel che u a nia.

    ReplyDelete

Post a Comment

Popular posts from this blog

Lirthei 1712 Registered

B.TEII HOVIN INDIA TEAM