Mamitah Sanitation Workshop & Siamliana Hall-ah Horticulture Workshop:

Nimin atang khan Ni 3 chhung awh tur Workshop on institutionalisation of village water & sanitation committee’, Mamit bialtu MLA Pu John Ro -tluangliana, Dy.Speaker hovin Chhimveng YMA Hall, Mamitah neih tan a ni a. Mamit District chhung khaw hrang hrang atangin Village Water & Sanitation Commtt. Member thahnem tak an rawn kal a. Mithiamte’n zirtirna an pe a ni.

Nimin, a hawnna inkhawm, Pu R.Lal fanliana, Engineer-In-Chief, PHED kaih hruaiah thu sawiin, khuallian Pu John Rotluangliana chuan, kum hnih chhung kan inbial chhung hian PHE Deptt. hian hma min lak sak na sa tawh hle a, khaw engemaw zatah Tui min lak sak a, tun maiah Suarhliap leh Tuipuibari-ah te Tui min lak sak a, Ander manik leh Khantlang ah te Tui lak/Pump hna hi thawh leh nghal tum a ni’ a ti a, ‘Lengpui chu Thlawh na tumhmunte a ni a, Tui lamah an ma mawhna a sang tawh a, tunah hian cheng vaibelchhe 4 chuang senna tur khaw chhunga Tui lakna tur Proposal a kal mek a ni’ a ti bawk.
John-a chuan ‘tun hma ngaihtuah chuan hriselna leh thianghlimna ah hma kan sawn tawh hle, kum 30 dawn Politics-ah ka lo inchiah ve ta a, Mizoram khaw hrang hrangah kan vak kual ve nasa tawh hle a; tunhmaa Zokhuaa kal kan huphurh thinna ber chu ‘Inthiarna (Ek In)’ mawlh mai hi a ni a, tunah chuan kan changlang tawh a, hmun kilkhawr ber berah pawh inthiarna tawp leh thianghlim lo tak tak hmuh tur a awm meuh tawh lo, tiin,‘marawhchu, hma sawnna tur erawh kan la ngah hle’ a ti zui bawk. Khuallian chuan, ‘manganthlak em em mai chu ‘vantlang Zun Ina kan e tlat mai thin hi a ni, nalh tak takin kan inchei a, kan inthiar nate erawh a thiang hlim lo leh em em si a’ tiin, ‘vantlang in -thiarna vawn thiang hlim kawngah zir tur kan la ngah hle’ a ti a, ‘Faina chungchang ah District chhung khawdangte entawn turin Dist. khawpui a nih angin Mamit hi a inbuatsaih tur a ni’ a ti bawk.

District chhung khaw hrang hrang atanga lo kal Village water & Sanitation Committee Member te chu an thil zir te an khaw mipuite hnenah a zau thei ang bera puangdarh leh turin John-a hian a chah nghal bawk.
Khualzahawm Pu Zothankhuma IAS, DC pawhin workshop-a telte chu  ngun taka ngaithla a, mahni khaw lamah midang hnena zirtir na pe chhawng ve leh vek turin a chah bawk


 Siamliana Hall-ah Horticulture Workshop:
Nimin khan Siamliana Hall, Mamitah District Level Horticulture Workshop cum Mini Exhibition, Mamit District neih a ni a. Thlai/Thei chi hrang hrang enkawl dan inzirtirin, Hall hnuaiah District Level Mini Exhibition neih a ni bawk.
 
Pu K.Lalduhawm, DHO, Tuidam kaihhruai he Workshop-ah hian District Bawrhsap Pu Zothankhuma, IAS chu khuallian niin, Workshop a hawng a. A hawnna inkhawmah khuallian bakah Pu Samuel Rosanglura, Director of Horticulture-te’n thu an sawi a, chawhnu lam Technical Session-ah a lem nena zirtirna (Power Point Presentation) neiin, Serthlum, Kuhva leh Lakhuihthei enkawl danah Horticulture Deptt. mithiamte’n kalkhawmte hnenah zirtirna an pe a ni.
He hunah hian NLUP hnuaia Serthlum, Lakhuihthei, Kuhva chin thlangtute tel tura hriattir an nih angin Hall khat tlatin an kalkhawm a ni.
Hall hnuaia Mini Exhibition-ah hian Mamit leh hmundang atanga mi hrang hrangin an thlai tharchhuahte; Mai, Sawhthing, Balhla, Ser, Bulbawk, Bal, etc leh thil chi hrang hrang rawn phochhuakin, a duh apiang en theihin an ruahman a ni.
Nimina Siamlian -a Hall, Mamita Horticulture Department buatsaihin District Level Horticulture workshop cum Mini Exhibition, Mamit District-a thusawitu;
Pu Samuel Ro sanglura, Director Horticulture chuan, Mamita Circle Office chu Sub-Division Horticulture Office-a tihlen tum anih thu leh Horticulture Department hnuaiah NLUP hmangin chhu -ngkua 11,000 target an ni a, hemi atan hian pawisa pawh 52.2275 Crores zet a awm tawh thu a sawilang bawk.
Khuallian DC Pu Zothankhuma, IAS chuan hlawhtlin na hi rinawmna leh thawhrimna ah a innghat tlat a, NLUP hmasaah khan mi thenkhat chuan an trade thlan te an ti riral mai mai ni a sawiin, tun tum NLUP-ah chuan a dawngtu te’n an intiam ang ngeia hmang dik turin a chah a, ‘in hmang dik lo anih chuan nang mahni bakah  sawr karin a tuar a, chu chuan hun lo la kal zel turah midangte tan kawng in hnawh ping thei a ni’ a ti.

(pic: Siamliana Hall Hnuaiah Mini Exhibition, Thlai chi hrang hrang an phochhuak)

Comments

Popular posts from this blog

Lirthei 1712 Registered

B.TEII HOVIN INDIA TEAM