Mamitah Internet Connection thar!

Mamit::   Mamit khawpui chhungah BSNL Broadband Internet leh National Informatic Centre (NIC) te chauh Internet pechhuaktu (Service Providers) an awm hnuah tun atanga reiloteah hian zenics hnuaia hmalakna chi khat State Wide Area Network (SWAN) tih puitlinna’n Internet an rawn thlung dawn a. Hmundangah pawh hma an la mek.

Nimin khan ZENICS (Zoram Electronics Development Corporation Ltd ) hnathawk, Internet thlun/bun dan tur thlithlaitute chu Mamitah rawn kalin, Mamit DC Office an rawn berawn a. DC hian an Office Room pakhat lo kawhhmuhin, ZENICS te hian an enfiah nghal a, an hmunhma tur chu luah tlak ni a an hriat thu leh rei loteah hma an rawn lak tan tur thu LENTUPUI an hrilh a ni.
Nimina rawn kalte hian  a hmunhma tur thlithlaia rawn kal hmasa mai an nih thu sawiin, nimin vek khan W.Phaileng an pan lehnghal dawn thu an sawi a. Mamit khawpui bakah hian Mamit District chhung sawrkar hmunpui deuh deuh, BDO leh SDO (C) thuthmun khuaahte Internet hi thlun vek an tum thu pawh sawiin, ......an Internet signal pekchhuah tur chu sawrkar department te chauh hman tur a nih thu leh mimal hnena pekchhuah chungchang chu an hotute thu a nih thu LENTUPUI an hrilh a, department hrang hrang hnathawh awl sam zawkna’na tih a nih thu leh an duh phawt chuan sawrkar department te chu an thlunzawm mai dawn thu an sawi bawk a ni.
Tun dinhmunah Mamit khawpuiah hian BSNL Broadband chauh mimal (Private) te Internet Connection pechhuak hi a la awm a, DC Office bula NIC erawh DC Office bak hmang an awm lova, mimal ah connection pek chhuah chi a nih ve lem loh avangin chh -awrtu pawh an tam lo hle a. Mipui nawlpui tana hman theih tura duan Community Information Centre (CI -C), DC Office bula mi lah kum hnih-thum vel an kalpui hnuah tih tawp a ni leh si a, tun dinhmunah hian BS NL Broadband chauh hi mipuite’n an hman theih leh Connection an neih a ni mek a ni. 
 



Comments

Popular posts from this blog

Lirthei 1712 Registered

B.TEII HOVIN INDIA TEAM