Sikul Lut Tan

Dt.13.1.11:  School Calendar angin nimin atang khan Mizoram hmundang rualin Mamit khawpui leh District chhung khaw hrang hranga zirlaite chuan School an lut tan a. 2011 Session atan Mamit khawpui chhunga zirlai naupang, Pawl khat (1) atanga Pawl sawmpahnih (12) zir turte chuan School an kal tan.


2011 Academic Session tan Ni atan Education Department-in a lo ruahman sa angin nimin khan Mizoram chhung khaw hrang hranga zirna In te chu hawn tan a ni a. Nimin hi Registration tihna’n leh hming dahna’n hmangin, pawl khat atanga pawl 12 (KG, Primary, Middle, High School, Higher Secondary School) zirlai naupangte mahni School luhna tur theuhah an kai hlawm a, a tan Ni anih avangin zirlaibu chhung zirna’n an la hmang lova, kal phung inhrilhhriatna leh inhmelhriat tawn na hun atan an hmang hlawm a ni.

Nimin hian Ma -mit khawpui chhung leh District chhung zirna In te hawn vek an ni a, sawrkar Scho -ol bakah Private School te pawhin Sawrkar Calendar hi tawmpuiin, nimin atang hian School an kai tan a, an ni pawh hian zirlai erawh nimin hi chuan an la tan bik lo.

Hetihlai hian, SSA Mission-in Pawl khat atanga Pawl 8 inkar zirlaibu a sem turte Mamit District chhungah an la sem chhuah loh avangin naupangte’n zirlaibu an la nei kim hlawm lova, SSA hian District chhung zirlai nau pang, pawl 1 atanga pawl 8 inkar zirlaibu thenkhat a thlawnin a sem dawn a, tunah hian Aizawl lam atang in an la dawn kim loh avangin an dawnsate pawh la kawl tha in, a rualin semchhuah an tum a, karleh thawh tanni (Jan.17) khian semchhuah hman an inbeisei niin an sawi.

SSA zirlaibu sem tur hi pawl tinah, Mizo Medium-ah Bu 5 zel leh English Medium-ah Bu 6 zel ang a ni a, SSA sem bak hi chu nu leh pate’n Dawr ami an lei a ngai dawn a ni.

Tunah hian Mizo Medium zirlaibu hi Bu 53547 a rawn thleng tawh a, Bu singkhat bawr vel la beisei niin, tunah hian English Medium zirlaibu tur hi Bu 31649 a rawn thle -ng tawh a, Bu Sang 4 vel la rawn thleng leh tura ngaih a ni.

Mamit khawpui chhungah hian Sawr kar leh Private/Koh hran School 10 (Primary) vel awmin, Mid dle School hi (sawr kar leh Private/Koh hran) 6 vel an awm thung a, High School hi sawrkar School pakhat (1) leh Aided School pakhat (1) awm mekin, Higher Secondary School hi pakhat chauh a awm a, Sawrkar School a ni.

SSA Mission, Mamit District-in zir -laibu a sem turah hian District chhung khaw hrang hranga School 256-a pawl 1 atanga pawl 8 inkarte a huap pha dawn a, zirlai pakhat zirlaibu dawn hi Rs.150/- man hu vel zel anga chhut a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM