Mamit District Roll Thar Tarchhuak

Electoral Roll, 2011 chu Mizoram hmun dang rualin nimin khan Mamitah pawh tlangzarh a ni a. Nimina Mamit DC Office-a tlangzarh (published) tak Roll tharah hian Mamit District chhung Constituency pathum (3); Mamit, Hachhek leh Dampa Constituency-ah Voters thar/Hming thunluh thar 1662 an awm a, paih (deleted) zat hi 382 niin, a punna hi 1280 a ni a, zaah 2.50 (2.50%) in a pung a ni.

Mamit District chhungah hian Vote nei (a hmain) mi 51219 awmin, thun tharte nen 52499 an ni ta a. Mamit Con stituency bikah voters 17960 atangin 18414-ah a kaichho a, a punna hi 449 niin, thun thar 560 an awm a, paih zat hi 111 niin, voters pun na hi 2.50% a ni.
Hachhek Con stituency hi Voters tamna ber niin, voters 18423 an awm a, Roll tharah hian 347-in an pun belh a, voters 18770-ah an kaichho a, thun thar 466 awmin, 119 paih an ni a, voters punna hi za zela 1.88% a ni.
Dampa Constituency-ah 484-in an pung a, voters pun tamna ber bial an ni. A hmain voters 14831 awmin, hming thun luh thar 636, paih 152 niin, Roll tharah hian voters 15315 an awm dawn a, voters punna hi za zela 3.26% a ni.
Mamit khaw pui chhung bikah voters 124-in a pung a, hming thun luh thar 138 niin, paih (deleted) 14 an ni a, Roll tharah hian voters 3760 an kai chho a, a hmain voters 3634 an ni. Voters punna hi za zela 1.26% a ni.
Mamit -I (Dinthar) ah voters 812 atangin 21-in a pung a, Roll tharah hian voters 833 -ah an kaichho a.
Mamit -II (Veng hlun) ah mithar 13 awmin, voters hi 706-ah an kaichho a, a hmain 693 an ni.
Mamit-III (Ba zar veng) ah voters 17-in an pung a, a hmain voters 476 niin, Roll tharah hian 495 an ni tawh ang.
Mamit-IV (Chh -imveng) hi Mamit khawpui chhung Polling Station 5 zinga voters tam berna niin, Roll tharah hian voters 953 an awm dawn a, a hmain 909 niin, voters punna zat hi 44 a ni.
Mamit-V (New Mamit) ah hian voters 773 an awm dawn a, a hmain voters 744 niin, mi thar 29 an ni a, a punna hi 29 niin, paih an awm lo thung.

Roll thar hi a hranpain tlang zarhna inkhawm siam a ni lova, Pu R. Vanlalvena, Electoral Observer hovin Election official te’n DC Office Chamber-ah uluk takin an enho a. Chawhma lam khan Mamit DC Office-ah tar chhuakin, AERO 6, District chhung BDO te, SDO (C), ADC, etc. te hnenah a copy hi an pechhuak nghal a, Dist. chhung khaw tin VC leh YMA, Pol. Party te hnenah pawh hriat tirna pe nghalin, DC Office-ah an copy tur theuh a rang lama lachhuak turin an hriattir a ni.

Comments

Popular posts from this blog

Lirthei 1712 Registered

B.TEII HOVIN INDIA TEAM